Harpal Singh Ferozepur

ਸਾਡੇ ਸਿੱਖ ਸਮਾਜ ਵਿੱਚ ਵੱਡੇ ਪੱਧਰ ਤੇ ਧਾਰਮਿਕ ਕਰਮਕਾਂਡ ਕੀਤੇ ਜਾ ਰਹੇ ਹਨ। ਇਹਨਾਂ ਦੇ ਜਿਆਦਾ ਜਿੰਮੇਵਾਰ ਜਾਂ ਕਸੂਰਵਾਰ ਬਹੁਤ ਸਾਰੇ ਰਾਗੀ, ਢਾਡੀ, ਕਵੀਸ਼ਰ, ਕਥਾਵਾਚਕ ਤੇ ਸਾਧ ਬਾਬੇ ਹਨ। ( ਸਾਰੇ ਨਹੀ ) ਜਿੰਨ੍ਹਾਂ ਕਰਮਕਾਂਡਾਂ ਦੀ ਗੁਰਬਾਣੀ ਵਿੱਚ ਗੁਰੂ ਸਾਹਿਬਾਨਾਂ ਤੇ ਭਗਤ ਸਾਹਿਬਾਨਾਂ ਨੇ ਰੱਜ ਕੇ ਵਿਰੋਧਤਾ ਕੀਤੀ ਹੈ। ਇਸ ਪ੍ਰਚਾਰਕ ਸ਼੍ਰੇਣੀ ਨੇ ਪੈਸੇ ਦੇ ਪੁੱਤ ਹੋਣ ਕਰਕੇ ਉਹਨਾਂ ਕਰਮਕਾਂਡਾਂ ਖਿਲਾਫ ਜੁਬਾਨ ਨਹੀ ਖੋਲੀ ਜਾਂ ਸਾਰੀ ਉਮਰ ਇਸੇ ਭਾਵਨਾ ਦਾ ਪ੍ਰਚਾਰ ਕਰਦਿਆਂ ਲੰਘਾ ਦਿੱਤੀ ਕਿ ਸਾਨੂੰ ਕਿਸੇ ਦੇ ਖਿਲਾਫ ਨਹੀ ਬੋਲਣਾ ਚਾਹੀਦਾ, ਸਾਨੂੰ ਕਿਸੇ ਦੀ ਨਿੰਦਿਆ ਨਹੀ ਕਰਨੀ ਚਾਹੀਦੀ, ਕਿਸੇ ਨੂੰ ਗਲਤ ਨਹੀ ਕਹਿਣਾ ਚਾਹੀਦਾ, ਸਾਰੇ ਆਪਣੀ ਜਗ੍ਹਾ ਤੇ ਠੀਕ ਨੇ। ਜਿੰਨਾ ਕਰਮਕਾਂਡਾਂ ਖਿਲਾਫ ਗੁਰਬਾਣੀ ਵਿਚੋਂ ਸਾਡੇ ਕੋਲ ਬਹੁਤ ਸਾਰੇ ਹਵਾਲੇ ਨੇ, ਘੱਟੋ ਘੱਟ ਅਸੀਂ ਉਹਨਾਂ ਦੀ ਤਾਂ ਖੁੱਲ ਕੇ ਵਿਰੋਧਤਾ ਕਰ ਸਕਦੇ ਸਾਂ। ਪਰ ਵਿਰੋਧਤਾ ਨਹੀ ਕੀਤੀ ਗਈ । ਸਵਾਲ ਪੈਦਾ ਹੁੰਦਾ ਹੈ ਕਿ ਜੇ ਸਭ ਕੁੱਝ ਆਪਣੀ ਜਗ੍ਹਾ ਠੀਕ ਹੈ ਜਾਂ ਸਾਨੂੰ ਕਿਸੇ ਦੇ ਖਿਲਾਫ ਨਹੀ ਬੋਲਣਾ ਚਾਹੀਦਾ ਤਾਂ *ਗੁਰੂ ਸਾਹਿਬਾਨਾਂ ਤੇ ਭਗਤ ਸਾਹਿਬਾਨਾਂ ਨੇ ਕਰਮਕਾਂਡਾਂ ਦੀ ਖੁੱਲ ਕੇ ਵਿਰੋਧਤਾ ਕਿਉਂ ਕੀਤੀ ? *ਕੀ ਉਹ ਸਮਾਜ ਵਿੱਚ ਲੜਾਈ ਝਗਡ਼ੇ ਖੜੇ ਕਰਨਾ ਚਾਹੁੰਦੇ ਸਨ ? *ਕੀ ਉਹ ਜਾਣਬੁੱਝ ਕੇ ਲੋਕਾਂ ਦਾ ਦਿਲ ਦਿਖਾਉਣਾ ਚਾਹੁੰਦੇ ਸਨ ? ਜਾਂ ਫਿਰ ਉਹਨਾਂ ਨੂੰ ਹੋਰ ਕੋਈ ਕੰਮ ਨਹੀ ਸੀ ...

ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹੋ ਰਹੀ ਬੇਅਦਬੀ ਨੂੰ ਰੋਕਣ ਸਬੰਧੀ ਮਹਾਂਪੁਰਸ਼ਾਂ ਨੂੰ ਪਹਿਲੀ ਚਿੱਠੀ। ਸਮੂਹ ਸੰਤ ਮਹੰਤ ਤੇ ਬ੍ਰਹਮਗਿਆਨੀ ਜੀਉ। ਵਾਹਿਗੁਰੂ ਜੀ ਕਾ ਖਾਲਸਾ ਵਾਹਿਗੁਰੂ ਜੀ ਕੀ ਫਤਿਹ ਜੀ। ਵਿਸ਼ਾ- ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹੋ ਰਹੀ ਬੇਅਦਬੀ ਰੋਕਣ ਸਬੰਧੀ। ਸਤਿਕਾਰਯੋਗ ਮਹਾਂਪੁਰਸ਼ ਜੀਉ, ਆਪ ਜੀ ਜਾਣਦੇ ਹੋ ਕਿ ਪਿੱਛਲੇ ਕਰੀਬ ਪੌਣੇ ਕੁ ਦੋ ਸਾਲਾਂ ਤੋਂ ਵੱਖ ਵੱਖ ਥਾਵਾਂ ਤੇ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਤੇ ਗੁਟਕਿਆਂ ਦੀ ਵੱਖ ਵੱਖ ਤਰੀਕਿਆਂ ਨਾਲ ਬੇਅਦਬੀ ਹੋ ਰਹੀ ਹੈ, ਜਿਸਨੂੰ ਰੋਕਣ ਤੇ ਦੋਸ਼ੀਆਂ ਨੂੰ ਲੱਭਣ ਲਈ ਸਿੱਖਾਂ ਵਲੋਂ ਸਾਂਤਮਈ ਧਰਨੇ ਤੇ ਜਾਮ ਲਾਏ ਗਏ। ਜਿਸ ਵਿੱਚ ਦੋ ਸਿੱਖਾਂ ਦੀ ਸ਼ਹੀਦੀ ਵੀ ਹੋਈ। ਦੋਸ਼ੀਆਂ ਨੂੰ ਲੱਭਣ ਲਈ ਕਮਿਸ਼ਨ ਬਠਾਏ ਗਏ ਪਰ ਦੋਸ਼ੀ ਨਹੀ ਲੱਭੇ। ਸਰਕਾਰ ਤੇ SGPC ਵਲੋਂ ਪ੍ਰਬੰਧਕ ਕਮੇਟੀਆਂ ਤੇ ਗ੍ਰੰਥੀ ਸਿੰਘਾਂ ਨਾਲ ਮੀਟਿੰਗਾਂ ਕਰਕੇ ਗੁਰਬਾਣੀ ਦੀ ਬੇਅਦਬੀ ਰੋਕਣ ਲਈ ਸਿਰਤੋੜ ਯਤਨ ਕੀਤੇ ਗਏ। ਪਰ ਗੁਰਬਾਣੀ ਦੀ ਬੇਅਦਬੀ ਕਿਸੇ ਨਾ ਕਿਸੇ ਰੂਪ ਵਿੱਚ ਉਸੇ ਤਰ੍ਹਾਂ ਜਾਰੀ ਹੈ। ਬਾਬਾ ਜੀ ਮੈਂ ਸੱਚ ਦੱਸਾਂ, ਜਦੋਂ ਕਿਸੇ ਸਿੱਖ ਨੂੰ ਪਤਾ ਲੱਗਦਾ ਏ ਨਾ ਕਿ ਕਿਸੇ ਅੱਜ ਅੈਸ ਜਗ੍ਹਾ ਤੇ ਫਿਰ ਗੁਰਬਾਣੀ ਦੀ ਬੇਅਦਬੀ ਹੋਈ ਏ , ਉਸ ਸਮੇਂ ਇੱਕ ਸਿੱਖ ਕਿਸ ਮਾਨਸਿਕ ਪੀਡ਼ਾ ਵਿਚੋਂ ਗੁਜਰਦਾ ਏ, ਇਹ ਜਾਂ ਤਾਂ ਸਿੱਖ ਜਾਣਦਾ ਏ ਜਾਂ ਰੱਬ। ਹੁਣ ਬਹੁਤ ਹੋ ਗਿਆ ਏ, ਸਾਡੇ ਕੋਲੋਂ ਹੁਣ ਹੋਰ ਬਰਦਾਸ਼ਤ ਨਹੀ ਕੀਤਾ ਜਾਂ ਰਿਹਾ, ਪਰ ਪਰੇਸ਼ਾਨੀ ਏ ...

ਸਮਾਜ ਵਿੱਚ ਕਦੇ ਅੈਸਾ ਨਹੀ ਹੋੲਿਅਾ  ਕਿ ਸਾਨੂੰ ਦੇਵੇ ਕੋਈ ਹੋਰ ਤੇ ਧੰਨਵਾਦ ਕਿਸੇ ਹੋਰ ਦਾ ਕਰੀਏੇ, ਸੋਹਿਲੇ ਕਿਸੇ ਹੋਰ ਦੇ ਗਾਈਏ, ਪੂਜਾ ਕਿਸੇ ਹੋਰ ਦਾ ਕਰੀੲੇ, ਮੱਥੇ ਕਿਸੇ ਹੋਰ ਨੂੰ ਟੇਕੀਏ।  ਜੇ ਕੋਈ ਅੈਸਾ ਕਰੇ ਤਾਂ ੳੁਸਨੂੰ ਚੰਗਾ ਨਹੀ ਸਮਝਿਅਾ ਜਾਂਦਾ । ਗੁਰੂ ਅਰਜਨ ਸਾਹਿਬ ਜੀ ਫੁਰਮਾਉਂਦੇ ਨੇ, ਸਰੀਰ ਸਾਨੂੰ ਰੱਬ ਨੇ ਦਿੱਤਾ, ਸਾਹ ਸਾਨੂੰ ਰੱਬ ਦਿੰਦਾ ਹੈ, ਮਾਤਾ ਪਿਤਾ, ਭੈਣ ਭਰਾ, ਹੋਰ ਰਿਸਤੇਦਾਰ, ਹਵਾ ਪਾਣੀ ਅੱਗ ਤੇ ਹੋਰ ਦਾਤਾਂ ਸਾਨੂੰ ਰੱਬ ਦੇਂਦਾ ਹੈ, ਮੱਥੇ  ਅਸੀਂ  ਦੇਵੀ ਦੇਵਤਿਆਂ, ਪੀਰਾਂ, ਸਿੱਧਾਂ, ਯੋਗੀਆਂ, ਜਠੇਰਿਆਂ,  ਆਪਣੇ ਬਣਾਏ ਹੋਏ ਸ਼ਹੀਦਾਂ, ਮਰ ਚੁੱਕੇ ਸਾਧਾਂ ਸੰਤਾਂ ਮਹੰਤਾਂ ਬਾਬਿਆਂ ਦੀਆਂ ਮੂਰਤੀਆਂ, ਮੱਠਾਂ, ਮਟੀਆਂ, ਸਮਾਧਾਂ ਤੇ ਉਹਨਾਂ ਦੀ ਫੋਟੋਆਂ ਅੱਗੇ ਟੇਕ ਰਹੇ ਹਾਂ, ਸੋਹਿਲੇ ਵੀ ਇਹਨਾਂ ਦੇ ਗਾ ਰਹੇ ਹਾਂ, ਧੰਨਵਾਦ ਵੀ ਇਨ੍ਹਾਂ ਦਾ ਕਰ ਰਹੇ ਹਾਂ। ਜਿਹਡ਼ੇ ਵੀ ਇਸਤਰ੍ਹਾਂ ਕਰ ਰਹੇ ਨੇ, ਉਹ ਗੁਨਾਹਗਾਰ ਤੇ ਲੂਣਹਰਾਮੀ ਨੇ, ਕਿਉਂਕਿ ਪੱਥਰ ਦੀਆਂ ਮੂਰਤੀਆਂ, ਪੱਥਰ ਦੀਆਂ ਮਟੀਆਂ ਤੇ ਸਮਾਧਾਂ ਆਦਿ ਕਦੀ ਵੀ ਸਾਡਾ ਭਲਾ ਨਹੀ ਕਰ ਸਕਦੀਆਂ, ਨਾ ਸਾਡੇ ਕੋਲੋਂ ਕੁਝ ਖੋਹ ਸਕਦੀਆਂ ਨੇ ਤੇ ਨਾ ਹੀ ਸਾਨੂੰ ਕੁਝ ਦੇ ਸਕਦੀਆਂ ਨੇ। ਕਿਸੇ ਵੀ ਤਰ੍ਹਾਂ ਸਾਡਾ ਪਾਰ ਉਤਾਰਾ ਨਹੀ ਕਰ ਸਕਦੀਆਂ, ਜਿਵੇਂ ਪੱਥਰ ਦੀ ਬੇੜੀ ਵਿੱਚ ਬੈਠ ਕੇ ਕਿਸੇ ਨਦੀ ਜਾਂ ਦਰਿਆ ਨੂੰ ਪਾਰ ਨਹੀ ਕੀਤਾ ਜਾ ਸਕਦਾ । " ਗੁਨਹਗਾਰ ਲੂਣ ਹਰਾਮ...

ਗੁਰੂ ਅਰਜਨ ਸਾਹਿਬ ਜੀ ਦੇ ਜੀਵਨ ਕਾਲ ਵਿੱਚ ਸਖੀ ਸਰਵਰੀਆਂ ਦਾ ਜਿਕਰ ਕਰਦੇ ਸਮੇਂ ਪ੍ਰੋ ਸਾਹਿਬ ਸਿੰਘ ਜੀ ਨੇ ਜਿਕਰ ਕੀਤਾ ਹੈ। ਕਿ ਹਿੰਦੂ ਧਰਮ ਵਿੱਚ ਜਾਤਪਾਤ ਦਾ ਬੋਲਬਾਲਾ ਹੋਣ ਕਰਕੇ ਬਹੁਤ ਸਾਰੇ ਦਲਿਤ ਲੋਕ ਮੁਸਲਮਾਨ ਧਰਮ ਵੱਲ ਜਾ ਰਹੇ ਸੀ। ਸਿੱਖ ਧਰਮ ਵਿੱਚ ਜਾਤਪਾਤ ਦਾ ਵਿਤਕਰਾ ਨਾ ਹੋਣ ਕਰਕੇ ਤੇ ਗੁਰੂ ਸਾਹਿਬਾਨਾਂ ਦੇ ਪ੍ਰਚਾਰ ਸਦਕਾ ਉਹ ਸਿੱਖ ਧਰਮ ਨਾਲ ਜੁੜਨ ਲੱਗ ਪਏ। ਕਿਉਂਕਿ ਹਰ ਬੰਦਾ ਸਮਾਜ ਵਿੱਚ ਮਾਨ ਸਤਿਕਾਰ ਨਾਲ ਰਹਿਣਾ ਚਾਹੁੰਦਾ ਹੈ। ਮੇਰੇ ਹਿਸਾਬ ਨਾਲ ਜਾਤੀ ਵਿਤਕਰਿਆਂ ਨੂੰ ਬਰਦਾਸ਼ਤ ਕਰਨਾ ਬੜਾ ਮੁਸ਼ਕਿਲ ਹੈ, ਕਿਉਂਕਿ ਜਦੋਂ ਅਸੀਂ ਕਿਸੇ ਤੇ  ਜਾਤੀ ਟਿਪਣੀ ਕਰਦੇ ਹਾਂ ਤਾਂ ਕਿਸੇ ਇੱਕ ਨੂੰ ਨਹੀ, ਉਸਦੇ ਸਾਰੇ ਖਾਨਦਾਨ ਨੂੰ ਨੌਲਦੇ ਹਾਂ(ਮਾੜਾ ਕਹਿੰਦੇ ਹਾ) ਕੋਈ ਆਪਣੇ ਬਾਰੇ ਤਾਂ ਮਾੜੇ ਬੋਲ ਸੁਣ ਸਕਦਾ ਹੈ, ਪਰ ਆਪਣੇ ਭੈਣਾਂ ਭਰਾਵਾਂ, ਜੰਮਣ ਵਾਲੇ ਮਾਂ ਬਾਪ ਤੇ ਬਾਕੀ ਰਿਸਤੇਦਾਰਾਂ ਬਾਰੇ ਨਹੀ ਸੁਣ ਸਕਦਾ। ਇਹੋ ਕਾਰਨ ਹੈ  ਕਿ ਜਦੋਂ ਮੌਕਾ ਮਿਲਿਆ, ਉਨ੍ਹਾਂ ਹਿੰਦੂ ਧਰਮ ਛੱਡ ਦਿੱਤਾ। ਪਿੱਛਲੇ 150 ਕੋ ਸਾਲ ਤੋਂ ਸਿੱਖ ਧਰਮ ਵਿੱਚ ਵੀ ਜਾਤਪਾਤ ਦਾ ਬੋਲਬਾਲਾ ਚੱਲ ਰਿਹਾ ਹੈ। ਭਾਈ ਦਿੱਤ ਸਿੰਘ ਨਾਲ ਕੀਤੇ ਗਏ ਵਿਤਕਰੇ ਤੇ ਦਰਬਾਰ ਸਾਹਿਬ ਅੰਮ੍ਰਿਤਸਰ ਵਿੱਚ ਜਾਤਪਾਤ ਅਧਾਰਿਤ ਕੜਾਹ ਦੀ ਪ੍ਰਸ਼ਾਦਿ ਦੀ ਅਰਦਾਸ ਦੇ ਸਮੇਂ ਦੀ ਵੰਡ ਕੁਝ 1900 ਦੇ ਲਾਗੇ ਬੰਨੇ ਦੀਆਂ ਉਦਾਹਰਣਾਂ ਹਨ। ਬਜੁਰਗ ਦੱਸਦੇ ਨੇ ਕਿ ਥੋਡ਼ਾ ਕੁ ਸਮਾਂ ਪਹਿਲਾ ਸਿੱਖ ਪਰਿਵ...

ਜਿਹੜੇ ਕਹਿੰਦੇ ਨੇ 1850 ਤੋਂ ਬਾਅਦ ਪੈਦਾ ਹੋਏ ਸੰਤਾ, ਮਹੰਤਾਂ ਦੀਆਂ ਬਰਸੀ ਮਨਾਉਣੀਆਂ ਜਾਇਜ ਹਨ, ਕਿਉਕਿ ਗੁਰਬਾਣੀ ਵਿੱਚ ਲਿਖਿਆ ਹੈ । ਨਾਮੁ ਰਹਿਓ ਸਾਧੂ ਰਹਿਓ  ਰਹਿਓ ਗੁਰੁ  ਗੋਬਿੰਦੁ ॥ ( 1429) ਉਹ ਦੱਸ ਸਕਦੇ ਹਨ ਕਿ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਤੱਕ ਭਾਈ ਮਰਦਾਨਾ ਜੀ, ਭਾਈ ਭਗੀਰਥ ਜੀ, ਬਾਬਾ ਬੁੱਢਾ ਜੀ, ਭਾਈ ਪਾਰੋ ਜੀ, ਭਾਈ ਗੁਰਦਾਸ ਜੀ, ਭਾਈ ਮੰਝ ਜੀ, ਭਾਈ ਤਿਲਕਾ ਜੀ ਆਦਿ ਸੱਚਮੁੱਚ ਹੀ  ਬ੍ਰਹਮਗਿਆਨ ਦੀ ਅਵਸਥਾ ਤਕ ਪੁਹੰਚੇ ਹੋਏ  ਮਹਾਨ ਗੁਰਸਿੱਖਾਂ ਦੀਆਂ ਬਰਸੀਆਂ ਕਿਉ ਨਹੀਂ ਮਨਾਇਆ ਗਈਆਂ ?? ਕਿ ਤੁਸੀ ਗੁਰੂ ਸਾਹਿਬਾਨਾਂ ਤੋਂ ਜਿਆਦਾ ਸਿਆਣੇ ਹੋ ਗਏ ਹੋ ਜਾਂ  ਫਿਰ ਤੁਹਾਡੇ ਬਾਬੇ ਇਨ੍ਹਾਂ ਗੁਰਸਿੱਖਾਂ ਤੋਂ  ਜਿਆਦਾ ਮਹਾਨ ਤੇ ਵੱਡੇ ਹਨ ?? ਜਾ ਫਿਰ ਤੁਸੀ ਸਿੱਖ ਕੌਮ ਨੂੰ ਗੁਰੂ ਸਾਹਿਬਾਨਾਂ, ਮਹਾਨ ਮਰਜੀਵੜੇ ਗੁਰਸਿੱਖਾਂ ਤੇ ਸ਼ਹੀਦਾਂ ਦੇ ਜੀਵਨ ਨਾਲੋਂ ਤੋੜ ਕੇ ਆਪਣੇ ਬਾਬਿਆਂ ਵਿਚ ਉਲਜਾਉਣਾ ਚਾਹੁੰਦੇ ਹੋ ?? ਜੇ ਬਰਸੀਆਂ ਮਨਾਉਣਾ ਹੀ ਕਿਸੇ ਦਾ ਸੱਚਾ ਸਤਿਕਾਰ ਕਰਨ ਦੀ ਨਿਸ਼ਾਨੀ ਹੈ, ਕਿਸੇ ਨੂੰ ਯਾਦ ਰੱਖਣ ਦਾ ਤਰੀਕਾ ਹੈ। ਤਾਂ ਕੀ ਤੁਸੀਂ ਗੁਰੂ ਸਾਹਿਬਾਨਾਂ, ਭਗਤ ਸਾਹਿਬਾਨਾਂ ਉਹਨਾਂ ਦੇ ਸਮੇਂ ਦੇ ਤੇ ਬਾਅਦ ਵਿੱਚ ਹੋਏ ਸਾਰੇ ਸਤਿਕਾਰਯੋਗ ਗੁਰਸਿੱਖਾਂ ਤੇ ਸ਼ਹੀਦਾਂ ਦੀਆਂ ਬਰਸੀਆਂ ਕਿਉਂ ਨਹੀ ਮਨਾਉਂਦੇ ?? ਕੀ ਤੁਸੀਂ ਉਹਨਾਂ ਸਾਰਿਆਂ ਦਾ ਸਤਿਕਾਰ ਨਹੀ ਕਰਦੇ ?? ਜਾਂ ਤੁਸੀਂ ਉਨ੍ਹਾਂ ਨੂੰ ਯਾਦ ਨਹ...

ਆਓ ਵੇਖੀਏ ਕਿਵੇਂ,,,, *ਇਸ ਗ੍ਰੰਥ ਦੀਆ ਪਹਿਲਾਂ 18 ਵੱਖ ਵੱਖ ਪੋਥੀਆਂ ਸਨ, ਕੁਝ ਲੋਕਾਂ ਵਲੋਂ ਉਹਨਾਂ ਨੂੰ ਗੁਰੂ ਗੋਬਿੰਦ ਸਿੰਘ ਜੀ ਦੀਆਂ ਲਿਖਤਾਂ ਕਹਿ ਕੇ ਤੇ ਇਕੱਠੀਆਂ ਕਰਕੇ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਬਰਾਬਰ ਦਾ ਗ੍ਰੰਥ ਤਿਆਰ ਕਰ ਦਿੱਤਾ ਗਿਆ। *ਇਸ ਦਾ ਨਾਮ ਉਦੋਂ ਬਚਿਤਰ ਨਾਟਕ ਸੀ, ਫਿਰ ਲੋਕਾਂ ਨੂੰ ਇਸ ਨਾਲ ਜੋੋੜਨ ਲਈ ਤੇ ਇਸ ਨੂੰ ਲੋਕਾਂ ਦੇ ਮਨਾ ਵਿੱਚ ਵਸਾਉਣ ਲਈ, ਇਸ ਬਚਿਤ੍ਰ ਨਾਟਕ ਨੂੰ ਦਸਮ ਗ੍ਰੰਥ ਕਹਿਣਾ ਸ਼ੁਰੂ ਕਰ ਦਿੱਤਾ ਗਿਆ।  *ਹੋਲੀ ਹੋਲੀ ਪੰਜਾਬ ਤੋਂ ਬਾਹਰ ਦੋ ਤਖਤਾਂ ਹਜ਼ੂਰ ਸਾਹਿਬ ਤੇ ਪਟਨਾ ਸਾਹਿਬ, ਟਕਸਾਲ ਮਹਿਤਾ ਚੌਕ ਤੇ ਕੁਝ ਨਿਹੰਗਾਂ ਦੇ ਡੇਰਿਆਂ ਤੇ ਇਸ ਦਾ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਬਰਾਬਰ ਪ੍ਰਕਾਸ਼ ਕਰ ਦਿਤਾ ਗਿਆ। *ਹੁਣ ਜੋ ਬਚਿਤ੍ਰ ਨਾਟਕ ਦੀਆਂ ਨਵੀਆਂ ਪੋਥੀਆਂ ਛਪ ਕੇ ਆ ਰਹੀਆਂ ਹਨ, ਉਹਨਾਂ ਵਿੱਚ ਦਸਮ ਸ਼ਬਦ ਦੇ ਨਾਲ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੋੜ ਦਿੱਤਾ ਗਿਆ। ਇਸ ਲਈ ਬਚਿਤ੍ਰ ਨਾਟਕ ਹੁਣ ਬਣ ਗਿਆ ਹੈ, ਦਸਮ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ । * ਕਦੇ ਕਦੇ ਸੋਸਲ ਮੀਡੀਆ ਤੇ ਅਵਾਜ਼ ਉਠੱਦੀ ਹੈ ਕਿ ਅਸੀਂ ਸਾਰਿਆਂ ਗੁਰਦੁਆਰਿਆਂ ਵਿੱਚ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਬਰਾਬਰ ਬਚਿਤ੍ਰ ਨਾਟਕ (ਦਸਮ ਗ੍ਰੰਥ) ਦਾ ਵੀ ਪ੍ਰਕਾਸ਼ ਕਰਨਾ ਹੈ।(2016 ਵਿੱਚ  ਸਭਰਾ ਪਿੰਡ ਗੁਰੂ ਗ੍ਰੰਥ ਸਾਹਿਬ ਦੇ ਬਰਾਬਰ ਬਚਿਤ੍ਰ ਨਾਟਕ ਦਾ ਪ੍ਰਕਾਸ਼ ਕਰਨ ਦਾ ਯਤਨ ਕੀਤਾ ਗਿਆ ਸੀ, ਜੋ ਕਿ ਪਿੰਡ ਵਾਲਿਆਂ ਨੇ ਰੋਕ ਦਿੱਤਾ) * ਜੇ ਬਚਿਤ੍...

ਸੂਟ ਬੂਟ ਵਿੱਚ ਕੱਸੇ ਹੋਏ ਸਾਵਲੇ ਜਿਹੇ ਰੰਗ ਦੇ ਸਿੱਖ ਨੌਜਵਾਨ ਨੂੰ ,ਜੋ ਅੱਜ ਪਹਿਲੇ ਦਿਨ ਦ,ਫਤਰ ਵਿੱਚ ਹਾਜ਼ਰ ਹੋਇਆ ਸੀ । ਇੱਕ ਅੱਧਖੜ ਉਮਰ ਦੇ ਆਦਮੀ ਨੇ ਸਾਰਿਆਂ ਵਿੱਚ ਬੜੇ ਰੋਅਬ ਨਾਲ ਪੁਛਿਆ । ਉਏ , ਤੇਰੀ ਜਾਤ ਕੀ ਆ ??? ਅਗੋ ਜ,ਵਾਬ ਆਇਆ , ਜੀ ਸਿੱਖ । ਹੋਰ ਵੀ ਤੇ ਕੋਈ ਹੋਵੇਗੀ ??? ਜੀ, ਖਾਲਸਾ ਵੀ ਕਹਿ ਸਕਦੇ ਹੋ । ਓ ,,,ਨਹੀ ਯਾਰ । ਮੈਂ ਪੁਛ ਰਿਹਾ ਹਾਂ , ਕਿ ਜੱਟ ,ਮਜਬੀ, ਨਾਈ , ਤਰਖਾਣਾ ਵਿਚੋਂ ਕੀ ਹੋ ??? ਨੌਜਵਾਨ ਬੜੀ ਹਲੀਮੀ ਨਾਲ ਬੋਿਲਆ,, ਵੀਰ ਜੀ ,ਮੈ ਸਿਰਫ ਇੱਕ ਸਿੱਖ ਹਾਂ। ਮੈ ਕਿਸੇ ਜਾਤ ਪਾਤ ਨੂੰ ਨਹੀ, ਮੰਨਦਾ । ਸਵਾਲ ਪੁੱਛਣ ਵਾਲਾ ਖਿੱਝ ਕੇ ਕਹਿਣ ਲੱਗਾ । ਤੂੰ ਕਿਉਂ ਨਹੀ ਮੰਨਦਾ ,?? ਜਦੋਂ ਸਾਰੇ ਲੋਕ ਮੰਨਦੇ ਨੇ । ਨੌਜਵਾਨ ਕਹਿਣ ਲੱਗਾ , ਵੀਰ ਜੀ ,ਜਿਸ ਦਿਨ ਮੈ ਅੰਮ੍ਰਿਤਪਾਨ ਕੀਤਾ ਸੀ । ਉਸ ਦਿਨ ਪੰਜਾਂ ਪਿਆਰਿਆਂ ਨੇ ਉਪਦੇਸ਼ ਦਿੱਤਾ ਸੀ । ਕਿ ਅੱਜ ਤੋਂ ਬਾਅਦ ਤੁਹਾਡੀ ਪਹਿਲੀ ਜਾਤ ,ਕੁਲ ,ਬਰਾਦਰੀ ,ਮਜ਼ਬ ਸਭ ਕੁੱਝ ਖਤਮ ਹੋ ਗਿਆ ਹੈ । ਹੁਣ ਤੁਸੀ ਸਿਰਫ਼ ਸਿੱਖ ਹੋ । ਵੀਰ ਜੀ ਤੁਸੀਂ ਤੇ ਜਾਣਦੇ ਹੋਵੋਗੇ , ਸਾਡੇ ਧਰਮ ਵਿੱਚ ਖਤਮ ਹੋਇਆਂ ਦੀ ਪੂਜਾ ਨਹੀਂ ਕੀਤੀ ਜਾਂਦੀ । ਸਵਾਲ ਕਰਨ ਵਾਲਾ ਕਹਿਣ ਲੱਗਾ , ਓਏ !! ਤੂੰ ਅੰਮ੍ਰਿਤ ਛਕਿਆ ਏ , ਤੇਰੀ ਕਿਰਪਾਨ ਕਿੱਥੇ ਆ ??? ਨੌਜਵਾਨ ਨੇ ਆਪਣੀ ਕਮੀਜ਼ ਥੱਲਿਉ ਕਿਰਪਾਨ ਕੱਢਦਿਆਂ ਹੋਇਆਂ ਕਹਿਆ , ਆਹ ਦੇਖੋ ਜੀ । ਸਵਾਲ ਪੁੱਛਣ ਵਾਲਾ ਸਾਰਿਆਂ ਦੇ ਵਿੱਚ ਬੇਸ਼ਰਮ ਜ...

ਜਦੋਂ ਕੋਈ ਕੌਮ ਆਪਣੇ ਗੁਰੂਆਂ ਦੀਆਂ ਤਸਵੀਰਾਂ ਜਾਂ ਮੂਰਤੀਆਂ ਦੀ ਪੂਜਾ ਸ਼ੂਰੁ ਕਰ ਦਿੰਦੀ ਹੈ , ਤਾਂ ਉਸ ਕੌਮ ਦਾ ਧਿਆਨ ਆਪਣੇ ਮੁਰਸ਼ਦ ਦੇ ਵੀਚਾਰਾਂ ਵਲੋਂ ਹੱਟ ਜਾਂਦਾ ਹੈ । ਆਪਣੇ ਰਹਿਬਰ ਦੇ ਉਪਦੇਸ਼ਾਂ ਵਲੋਂ ਧਿਆਨ ਦਾ ਹਟ ਜਾਣਾ ਹੀ , ਕਿਸੇ ਕੌਮ ਦੀ ਬਰਬਾਦੀ ਦਾ ਸਭ ਵੱਡਾ ਕਾਰਣ ਬਣਦਾ ਹੈ । ਉਦਾਹਰਣਾਂ ; 1. ਬੁੱਧ ਧਰਮ ਭਾਰਤ ਦਾ ਕਿਸੇ ਸਮੇਂ ਸਭ ਤੋਂ ਵੱਡਾ ਧਰਮ ਸੀ । ਬੁੱਧ ਧਰਮ ਦਾ ਆਗੂ ਮਹਾਤਮਾ ਬੁੱਧ ਮੂਰਤੀ ਪੂਜਾ ਦਾ ਸਭ ਤੋਂ ਵੱਡਾ ਵਿਰੋਧੀ ਸੀ , ਸਮੇਂ ਨੇ ਕਰਵਟ ਬਦਲੀ ਮਹਾਤਮਾ ਬੁੱਧ ਦੇ ਹੀ ਬੁੱਤ ਬਣਨੇ ਸ਼ੁਰੂ ਹੋ ਗਏ , ਅੱਜ ਸਭ ਤੋਂ ਵੱਧ ਮਹਾਤਮਾ ਬੁੱਧ ਦੀਆਂ ਮੂਰਤੀਆਂ ਦੀ ਪੂਜਾ ਹੋ ਰਹੀ ਹੈ । ਬੁੱਧ ਧਰਮ ਭਾਰਤ ਵਿੱਚ ਖਤਮ ਹੋਣ ਦੇ ਕਿਨਾਰੇ ਹੈ । ਹੋਰ ਅਨੇਕਾਂ ਬਿਮਾਰੀਆਂ ਬੁੱਧ ਧਰਮ ਅੰਦਰ ਪਰਵੇਸ਼ ਕਰ ਚੁੱਕੀਆਂ ਨੇ । 2. ਸਿੱਖ ਧਰਮ ਵੀ ਮੂਰਤੀਂ ਪੂਜਾ ਦਾ ਕੱਟੜ ਵਿਰੋਧੀ ਹੈ , ਗੁਰੂ ਨਾਨਕ ਜੀ ਦਾ ਫੈਸਲਾ ਹੈ ; ਅੰਧੇ ਗੁੰਗੇ ਅੰਧ ਅੰਧਾਰ ॥ ਪਾਥਰ ਲੇ ਪੂਜਹਿ ਮੁਗਧ ਗਵਾਰ ॥ ਓਹਿ ਜਾ ਆਪਿ ਡੁਬੇ ਤੁਮ ਕਹਾ ਤਾਰਣਹਾਰ ॥ ਪਰ , ਅੱਜ ਘੱਟੋ ਘੱਟ 85% ਸਿੱਖ ਮੂਰਤੀ ਦੀ ਪੂਜਾ ਕਰ ਰਿਹਾ ਹੈ ,ਗੁਰੂਆਂ ਦੀਆਂ ਤਸਵੀਰਾਂ ਦੇ ਰੂਪ ਵਿੱਚ ਜਾਂ ਗੁਰੂਆਂ ਦੀਆਂ ਪੱਥਰ ਦੀਆਂ ਮੂਰਤਾਂ ਦੀ । ਕਈ ਸਿੱਖ ਅਖਵਾਉਣ ਵਾਲਿਆਂ ਨੇ ਤਾਂ ਘਰਾਂ ਨੂੰ ਮੰਦਰਾਂ ਤੋਂ ਵੀ ਦੋ ਕਦਮ ਅਗਾਂਹ ਲੰਘਾ ਦਿੱਤਾ ਹੈ । ਹਰ ਗੁਰੂ ,ਭਗਤ ,ਸਿੱਖ , ਸਾਧ ਸੰਤ ,ਦੇਵੀ ਦੇਵਤੇ ਤੇ ਪੀਰਾ...

ਕਿਸੇ ਵੀ ਚੰਗੇ ਧਾਰਮਿਕ ਆਗੂ ਵਲੋਂ ਧਾਰਮਿਕ ਗ੍ਰੰਥ ਇਸ ਵਾਸਤੇ ਨਹੀਂ ਲਿਖਿਆ ਜਾਂਦਾ ਕਿ ਲੋਕ ਇਸ ਦੀ ਪੂਜਾ ਕਰਨ , ਆਰਤੀਆਂ ਉਤਾਰਨ ਜਾਂ ਇਸਦਾ ਤੋਤਾ ਰਟਨ ਕਰਨ । ਉਹਨਾਂ ਦੀ ਤਮੰਨਾ ਹੁੰਦੀ ਹੈ ਕਿ ਨਾਸਮਝ ਇਸਨੂੰ ਪੜਕੇ ਸਮਝਦਾਰ ਬਣ ਜਾਣ , ਬੇਅਕਲ ਇਸਨੂੰ ਪੜਕੇ ਅਕਲ ਵਾਲੇ ਬਣ ਜਾਣ , ਅਗਿਆਨੀ ਇਸਨੂੰ ਪੜਕੇ ਗਿਆਨੀ ਬਣ ਜਾਣ । ਤਾਂ ਕਿ ਆਪਣੇ ਜੀਵਨ ਨੂੰ ਸੁਚੱਜੇ ਤਰੀਕੇ ਨਾਲ ਜੀ ਕੇ, ਨਰਕ ਬਣੀ ਹੋਈ ਧਰਤੀ ਨੂੰ ਸਵਰਗ ਬਣਾ ਸਕਣ । ਇਸਦੀ ਗਵਾਹੀ ਲੱਗਪੱਗ ਸਾਰੇ ਧਾਰਮਿਕ ਗਰੰਥਾਂ ਵਿਚੋਂ ਮਿਲਦੀ ਹੈ । ਪਰ , ਸਾਡੇ ਕੁੱਝ ਸ਼ਰਾਰਤੀ, ਲੁਟੇਰੇ ਜਾਂ ਨਾ ਸਮਝ ਧਾਰਮਿਕ ਆਗੂਆਂ ਨੇ ਧਾਰਮਿਕ ਗ੍ਰੰਥਾਂ ਨੂੰ ਪੂਜਾ ਜਾਂ ਤੋਤਾ ਰਟਨ ਤੱਕ ਹੀ ਸੀਮਤ ਕਰ ਦਿੱਤਾ । ਜਿਸ ਦਾ ਨੁਕਸਾਨ ਇਹ ਹੋਇਆ , ਕਿ ਸਾਡੇ ਅਗਿਆਨੀ ਲੋਕਾਂ ਨੇ ਧਾਰਮਿਕ ਗ੍ਰੰਥਾਂ ਨੂੰ ਸਮਝਣਾਂ ਸਮਝਾਉਣਾ ਛੱਡ ਕੇ ਮੂਰਤੀਆਂ ਵਾਂਗ ਪੂਜਣਾਂ , ਖੁਦ ਗਿਣਤੀਆਂ ਮਿਣਤੀਆਂ ਦੇ ਪਾਠ ਕਰਨੇ ਜਾਂ ਹੋਰਾਂ ਨੂੰ ਪੈਸੇ ਦੇ ਕੇ ਠੇਕੇ ਤੇ ਪਾਠ ਕਰਵਾਉਣੇ ਸ਼ੁਰੂ ਕਰ ਦਿੱਤੇ । ਜਿਸ ਕਰਕੇ ਅੱਜ ਸਾਡੇ ਸਮਾਜ ਦੇ ਬਹੁਤ ਸਾਰੇ ਲੋਕ, ਧਰਮੀ ਦਿਸਦੇ ਤਾਂ ਜਰੂਰ ਹਨ । ਪਰ , ਧਰਮ ਉਹਨਾਂ ਦੇ ਕੋਲੋਂ ਵੀ ਨਹੀਂ ਲੰਘਦਾ । ਉਹ ਧਰਮੀ ਹੋਣ ਦਾ ਦਾਅਵਾ ਕਰਨ ਦੇ ਬਾਵਜੂਦ ਵੀ ਉਹਨਾਂ ਬੰਧਨਾਂ ਵਿੱਚ ਬੱਝੇ ਹੋਏ ਹਨ , ਜਿੰਨਾਂ ਬੰਧਨਾਂ ਵਿੱਚ ਆਮ ਸਮਾਜ ਬੱਝਿਆ ਹੈ। ਨਫ਼ਰਤ , ਈਰਖਾ , ਜਾਤਪਾਤ , ਕਾਮ ,ਕਰੋਧ , ਅਹੰਕਾਰ ਤੇ ਇਸ ਵਿਗਿਆਨਕ ਯੁੱਗ ਵ...

ਜੇ ਵਿਦਿਆਰਥੀ ਆਪਣੀ ਪੜਾਈ ਵੱਲ ਧਿਆਨ ਦੇਣਾ ਛੱਡ ਦੇਣ , ਅਧਿਆਪਕ ਉਹਨਾਂ ਦੇ ਅੰਦਰ ਪੜਨ ਦੀ ਰੁਚੀ ਪੈਦਾ ਕਰਨ ਲਈ ਕੋਈ ਜਤਨ ਨਾ ਕਰਨ , ਤਾਂ ਕੋਈ ਵੀ ਉਨ੍ਹਾਂ ਵਿਦਿਆਰਥੀਆਂ , ਅਧਿਆਪਕਾਂ ਤੇ ਸਕੂਲਾਂ ਦਾ ਭਵਿੱਖ ਬਰਬਾਦ ਹੋਣੋ ਨਹੀ ਬਚਾ ਸਕਦਾ । ਗੁਰਦੁਆਰਿਆਂ ਵਿੱਚ ਸ਼ੁਰੂ ਹੋਣ ਵਾਲੇ ਹਰ ਸਮਾਗਮ ਦਾ ਮਕਸਦ ਧਰਮ ਪਰਚਾਰ ਹੋਣਾ ਚਾਹੀਦਾ ਹੈ । ਪਰ ਅੱਜ ਕਲ ਪ੍ਭਾਤ ਫੇਰੀਆਂ ਤੇ ਕੁੱਝ ਹੋਰ ਸਮਾਗਮਾਂ ਵਿੱਚ ਸਮੂੰਹ ਗੁਰਦੁਆਰਾ ਸਟਾਫ ਤੇ ਕਮੇਟੀ ਦਾ ਮਕਸਦ ਵੱਧ ਤੋਂ ਵੱਧ ਪੈਸਾ ਇਕੱਠਾ ਕਰਨਾ , ਤੇ ਸੰਗਤ ਦਾ ਮਕਸਦ ਬਿਨਾ ਧਰਮ ਕਮਾਏ ਕੁੱਝ ਦਿਨ ਹਾਜ਼ਰੀ ਭਰਕੇ ਧਰਮੀ ਹੋਣ ਦਾ ਲੋਕਾਂ ਕੋਲੋਂ ਸਰਟੀਫਿਕੇਟ ਲੈਣਾ ਤੇ ਰੱਬ ਕੋਲੋਂ ਘਰ ਪਰਿਵਾਰ ਦੀ ਸੁੱਖਸ਼ਾਂਤੀ ਦੀਆਂ ਮੰਗਾਂ ਮੰਗਣਾ ਤੇ ਕੁੱਝ ਦਾ ਮਕਸਦ ਹਰ ਰੋਜ਼ ਰੰਗ ਬਰੰਗੇ ਪਦਾਰਥ ਛਕਣੇ ਰਹਿ ਗਿਆ ਹੈ । ਕਮੇਟੀਆਂ ਨੂੰ ਧਰਮ ਪਰਚਾਰ ਦਾ ਤੇ ਸੰਗਤਾਂ ਨੂੰ ਜਿਸ ਗੁਰੂ ਸਾਹਿਬ ਜੀ ਦੇ ਨਾਮ ਤੇ ਪ੍ਭਾਤ ਫੇਰੀਆਂ ਕੱਢੀਆਂ ਜਾ ਰਹੀਆਂ ਨੇ ਉਸਦੇ ਬਾਰੇ ਵਿੱਚ ਕੁੱਝ ਜਾਨਣ ਦਾ ਸੁਪਨਾ ਵੀ ਨਹੀਂ ਆਉਂਦਾ । ਜਿਹਡ਼ਾ ਪਰਿਵਾਰ ਪ੍ਭਾਤ ਫੇਰੀ ਦੀ ਸੇਵਾ ਕਰ ਰਿਹਾ ਹੁੰਦਾ ਹੈ ,, ਉਸਨੂੰ ਗੁਰਮਤਿ ਦਾ ਉ ਅ ਵੀ ਨਹੀਂ ਆਉਂਦਾ ਹੁੰਦਾ ,, ਕੁੱਝ ਪੈਸੇ ਖਰਚ ਕੇ ਤੇ ਥੋੜੀ ਜਿਹੀ ਸੇਵਾ ਕਰਕੇ ਪਰਿਵਾਰ ਵਲੋਂ ਗ੍ਰੰਥੀ ਸਿੰਘ ਤੋਂ ਗੁਰਮੁੱਖਤਾਈ ਦਾ ਤੇ ਪਰਧਾਨ ਜਾਂ ਸਕੱਤਰ ਤੋਂ ਬਹੁਤ ਹੀ ਵੱਡੇ ਸੇਵਾਦਾਰ ਤੇ ਹੋਰ ਕਈ ਸਨਮਾਨ ਪ੍ਰਾਪਤ ਕ...

ਇਨਸਾਨ , ਕੌਮ , ਸੰਸਥਾ ਜਾ ਕਿਸੇ ਦੇਸ਼ ਨੂੰ ਸੁਚੱਜੇ ਸਮੇਂ ਤੇ ਸਮੇਂ ਤੇ ਪੈਸੇ ਦੀ ਸੁਚੱਜੀ ਵਰਤੋ ਕਰਨੀ ਆ ਗਈ ,ਉਸਨੂੰ ਕਾਮਯਾਬ ਹੋਣ ਤੋਂ ਤੇ ਆਪਣਾ ਨਾਮ ਰੌਸ਼ਨ ਕਰਨ ਤੋਂ ਕੋਈ ਨਹੀਂ ਰੋਕ ਸਕਦਾ ।ਜਿਸ ਨੂੰ ਇਹਨਾਂ ਦੀ ਸੁਚੱਜੀ ਵਰਤੋ ਕਰਨੀਨਹੀ ਆਈ , ਉਸ ਦੀ ਬਰਬਾਦੀ ਨੂੰ ਕੋਈ ਨਹੀ ਰੋਕ ਸਕਦਾ ।ਵੈਸੇ ਤਾਂ ਅੱਜ ਅਮੀਰ ਕੋਲ ਧਨ ਪਦਾਰਥਾਂ ਦੀ ਦੌੜ ਵਿੱਚ ਦੂਜੇ ਤੋਂ ਅੱਗੇ ਲੰਘਣ ਤੇ ਗਰੀਬ ਕੋਲ ਮਹਿਗਾਈ ਦੇ ਦੌਰ ਵਿੱਚ ਆਪਣੇ ਪਰਿਵਾਰ ਨੂੰ ਪਾਲਣ ਦੇ ਫਿਕਰ ਵਿਚੋਂ ਨਿਕਲ ਕੇਧਰਮ ਤੇ ਸਮਾਜ ਬਾਰੇ ਕੁੱਝ ਉਸਾਰੂ ਸੋਚ ਸੋਚਣ ਦਾ ਸਮਾਂ ਹੀ ਨਹੀ ਹੈ। ਪਰ , ਫਿਰ ਵੀ ਗੁਰਪੁਰਬਾਂ , ਸ਼ਹੀਦੀ ਪੁਰਬਾਂ ,ਹੋਰ ਧਾਰਮਿਕ ਦਿਹਾੜਿਆਂ ਤੇ ਇਸ ਸਮੇਂ ਕੱਢੀਆਂ ਜਾ ਰਹੀਆਂ ਪ੍ਭਾਤ ਫੇਰੀਆਂ ਤੇ ਨਗਰ ਕੀਰਤਨਾਂ ਸਮੇਂ ਆਮ ਲੋਕਾਂ ਤੇ ਥੋੜਾ ਬਹੁਤਾ ਧਰਮ ਦਾ ਰੰਗ ਚੜਿਆ ਹੁੰਦਾ ਹੈ ।ਇਸ ਸਮੇਂ ਉਹ ਬਹੁਤਸਾਰੀਆਂ ਉਹਨਾਂ ਗੱਲਾਂ ਨੂੰ ਸਹਜੇ ਹੀ ਮੰਨ ਸਕਦੇ ਹਨ , ਜਿਹੜੀਆਂ ਗੱਲਾਂ ਉਹਨਾਂ ਨੂੰ ਅੱਗੋਂ ਪਿੱਛੋਂ ਵਾਧੂ ਜਾ ਬਕਵਾਸ ਲੱਗਦੀਆਂ ਹਨ ।ਪ੍ਭਾਤ ਫੇਰੀਆਂ ਸਮੇਂ ਕਮੇਟੀ ਨੂੰ ਚਾਹੀਦਾ ਹੈ ਕਿ ਪਰਿਵਾਰ ਨੂੰ ਸਰੋਪੇ ਦੇ ਨਾਲ ਜਿਸ ਸਖਸ਼ੀਅਤ ਦੀਆਂ ਪ੍ਭਾਤ ਫੇਰੀਆਂ ਕੱਢੀਆਂ ਜਾ ਰਹੀਆਂ ਨੇ , ਉਸਦੇ ਜੀਵਨ ਨਾਲ ਸਬੰਧਿਤ ਤੇ ਕੁੱਝ ਹੋਰ ਇੱਕ ਦੋ ਕਿਤਾਬਾਂ ਜਿਨ੍ਹਾਂ ਨੂੰ ਅੱਜ ਸਿੱਖਾਂ ਦੇ ਘਰ ਪੁਚਾਉਣ ਦੀ ਲੋੜ ਹੈ , ਦਿੱਤੀਆਂ ਜਾਣ , ਉਹਨਾਂ ਨੂੰ ਪੜਨ ਦੀ ਵਿਸ਼ੇਸ਼ ਹਦਾਇਤ ਦਿੱਤੀ ਜਾਵੇ ।ਪ੍ਭਾਤ ਫੇ...

ਸਮਾਜ ਦੇ ਲੋਕ ਸਰਧਾ ਦੇ ਵਿੱਚ ਭਿੱਜ ਕੇ ਆਪਣਾ ਮੁਕਤੀ ਦਾਤਾ ਲੱਭਣ ਲਈ ਬੜੀ ਮਿਹਨਤ ਨਾਲ ਪਹਾੜ ਖੋਦਦੇ ਨੇ ,ਪਰ ਪਹਾੜ ਵਿਚੋਂ ਅਕਸਰ ਹੀ ਕਦੇ ਬਾਬਾ ਇੱਛਾਧਾਰੀ (ਦਿੱਲੀ ਵਾਲਾ) ਵਰਗਾ ਜਿਸਮਫਰੋਸੀ ਦਾ ਧੰਦਾ ਕਰਨ ਵਾਲਾ ,ਕਦੇ ਨਿੱਤਿਆ ਨੰਦ ਵਰਗਾ ਫਿਲਮੀ ਹੀਰੋਇਨਾਂ ਨਾਲ ਮਸਤੀ ਕਰਨ ਵਾਲਾ, ਕਦੇ ਗੁਰਮੀਤ ਰਾਮ ਰਹੀਮ ਵਰਗਾ ਭੇਟਾ ਦੇ ਨਾਂ ਤੇ ਸਰੀਰਿਕ ਸ਼ੋਸ਼ਣ ਕਰਨ ਵਾਲਾ ਤੇ ਕਦੇ ਆਸਾ ਰਾਮ ਤੇ ਰਾਮਪਾਲ ਵਰਗਾ ਅੰਧਵਿਸ਼ਵਾਸਾਂ ਵਿੱਚ ਫਸਾ ਕੇ ਲੋਕਾਂ ਦਾ ਸਰੀਰਿਕ ,ਮਾਨਸਿਕ ਤੇ ਆਰਥਿਕ ਸ਼ੋਸ਼ਣ ਕਰਨ ਵਾਲਾ ਪਾਖੰਡੀ , ਗੁਰੂ ਦੇ ਬਾਣੇ ਵਿੱਚ ਬੈਠਾ ਚੂਹਾ ਮਿਲਦਾ ਹੈ (ਵੈਸੇ ਇਹਨਾਂ ਨੂੰ ਸੱਪ ਕਹਿਣਾ ਚਾਹੀਦਾ) । ਸਮਾਜ ਦੇ ਲੋਕ ਫਿਰ ਵੀ ਦੇਹਧਾਰੀ ਗੁਰੂਆਂ ਦੇ ਜਾਲ ਵਿਚੋਂ ਨਹੀਂ ਨਿਕਲਣਾ ਚਾਹੁੰਦੇ ।ਬਹੁਤ ਸਾਰੇ ਲੋਕ ਪਰੇਸ਼ਾਨ ਨੇ, ਪਰ , ਕੀ ਕਰਨ ? ਕਿਉਂਕਿ ਉਹਨਾਂ ਕੋਲ ਕੋਈ ਬਦਲ ਨਹੀਂ ਹੈ ।ਹਰ ਆਦਮੀ ਜੀਵਨ ਵਿੱਚ ਧਰਮੀ ਬਨਣਾ ਚਾਹੁੰਦਾ ਹੈ ।ਸਿੱਖਾਂ ਤੋਂ ਇਲਾਵਾ ਹੋਰ ਕਿਸੇ ਕੋਲ ਸ਼ਬਦ ਰੂਪੀ ਗੁਰੂ ਨਹੀਂ ਹੈ ।ਜਿਸ ਕਰਕੇ ਦੇਹਧਾਰੀ ਗੁਰੂਆਂ ਅੱਗੇ ਝੁਕਣਾ ਉਹਨਾਂ ਦੀ ਮਜਬੂਰੀ ਹੈ।ਹੋਰ ਲੋਕ ਸਮਝਦੇ ਨੇ ਕਿ ਗੁਰੂ ਗ੍ਰੰਥ ਸਾਹਿਬ ਜੀ ਸਿਰਫ ਸਿੱਖਾਂ ਦੇ ਹੀ ਗੁਰੂ ਹਨ।ਜਦਕਿ ਗੁਰੂ ਗ੍ਰੰਥ ਸਾਹਿਬ ਜੀ ਵਿਸ਼ਵ ਦੇ ਗੁਰੂ ਹਨ,ਇੱਥੇ ਜਾਤਾਂ ਪਾਤਾਂ,ਮਜਬਾਂ, ਕੌਮਾਂ ਜਾਂ ਦੇਸ਼ਾਂ ਦਾ ਕੋਈ ਵਿਤਕਰਾ ਨਹੀਂ ਹੈ ,ਇੱਥੇ " ੳੁਪਦੇਸੁ ਚਹੁ ਵਰਨਾ ਕੳੁ ਸਾਝਾ॥...

ਮੈਂ ਦਿੱਲੀ ਵਿੱਚ ਇੱਕ ਮੁਸਲਮਾਨ ਵੀਰ ਨੂੰ ਮਿਲ ਕੇ ਪੁਛਿਆ ਕਿ ਪੀਰ ਸ਼ਬਦ ਮੁਸਲਮਾਨ ਧਰਮ ਦਾ ਹੈ, ਮੁਸਲਮਾਨਾਂ ਵਿੱਚ ਪੀਰ ਦਾ ਕੀ ਰੁਤਬਾ ਹੈ । ਉਸ ਨੇ ਦੱਸਿਆ ਕਿ ਸਾਡੇ ਵਿੱਚ ਪੀਰ ਗੁਰੂ ਨੂੰ ਕਿਹਾ ਜਾਂਦਾ ਹੈ। ਪੀਰ ਬਣਨ ਲਈ ਪੰਜ ਸ਼ਰਤਾਂ ਜਰੂਰੀ ਹਨ । 1.ਪੀਰ ਦੀ ਸੰਗਲੀ ਮੁਹੰਮਦ ਹਜਰਤ ਸਾਹਿਬ ਨਾਲ ਮਿਲਦੀ ਹੋਵੇ ਜਿਵੇਂ ਕਿ ਮੁਹੰਮਦ ਸਾਹਿਬ ਦਾ ਕੋਈ ਚੇਲਾ ਹੋਵੇ ,ਓਹ ਅਗਾਂਹ ਵੀਹ ਜਣਿਆਂ ਨੂੰ ਉਪਦੇਸ਼ ਦੇਵੇ ,ਓਹ ਵੀਹ ਅਗਾਂਹ ਕਈਆਂ ਨੂੰ ਉਪਦੇਸ਼ ਦੇਣ।ਇਸੇ ਤਰ੍ਹਾਂ ਇਹ ਉਪਦੇਸ਼ ਉਸਦੇ ਕੋਲ ਪਹੁੰਚਿਆ ਹੋਏ। 2.ਅਮਲ ਦਾ ਪੱਕਾ ਹੋਵੇ , ਭਾਵ ਇਸਲਾਮ ਦੀਆਂ ਸਾਰੀਆਂ ਪਰੰਪਰਾਵਾਂ ਨੂੰ ਮੰਨਦਾ ਹੋਵੇ। 3.ਨਮਾਜ਼, ਰੋਜੇ ਦਾ ਪੱਕਾ ਧਾਰਨੀ ਹੋਵੇ । 4. ਕੁਰਾਨ ਦਾ ਤੇ ਇਸਲਾਮ ਦੀਆਂ ਹੋਰ ਪਰੰਪਰਾਵਾਂ ਦਾ ਐਨਾ ਇਲਮ ਹੋਵੇ ,ਕਿ ਕਿਸੇ ਸਵਾਲ ਪੁੱਛਣ ਤੇ ਉਸਨੂੰ ਕਿਸੇ ਦਾ ਸਹਾਰਾ ਨਾ ਲੈਣਾ ਪਵੇ । 5. ਅਕਾਇਦ ਦਾ ਪੱਕਾ ਹੋਵੇ ( ਇਹਦੇ ਬਾਰੇ ਮੈਨੂੰ ਜਿਆਦਾ ਸਮਝ ਨਹੀ ਆਈ ) ਫਿਰ ਮੈਂ ਪੁੱਛਿਆ ਕਿ ਕੀ ਪੀਰ ਲੱਚਰ ਗੀਤਾਂ ਨੂੰ ਸੁਣਨਾ ਪਸੰਦ ਕਰਦੇ ਨੇ , ਅੱਧ ਨੰਗੀਆਂ ਕੁੜੀਆਂ ਦੇ ਠੁਮਕੇ ਦੇਖਦੇ ਨੇ । ਸ਼ਰਾਬ , ਭੰਗ , ਬੀੜੀਆਂ , ਸਿਗਰਟਾਂ ਤੇ ਚਿਲਮਾ ਵਰਗਾ ਨਸ਼ਾ ਪੀਦੇ ਨੇ ?? ਉਸ ਨੇ ਕਿਹਾ ਕਿ ਇਸਲਾਮ ਧਰਮ ਵਿੱਚ ਸੰਗੀਤ ਦੀ ਬਿਲਕੁਲ ਮਨਾਈ ਹੈ ,ਲੱਚਰ ਗੀਤਾਂ ਨੂੰ ਸੁਣਨਾ ਤੇ ਨਾਚ ਦੇਖਣੇ ਤਾਂ ਬਹੁਤ ਦੂਰ ਦੀ ਗੱਲ ਅਾਂ । ਨਸ਼ਾ ਕਰਨਾ ਤਾਂ ਸਭ ਤੋਂ ਵੱਡਾ ਗੁਨਾਹ ਹੈ । ਪੀ...

ਗੁਰਪੁਰਬਾਂ , ਸ਼ਹੀਦੀ ਪੁਰਬਾਂ ,ਹੋਰ ਧਾਰਮਿਕ ਦਿਹਾੜਿਆਂ ਤੇ ਇਸ ਸਮੇਂ ਕੱਢੀਆਂ ਜਾ ਰਹੀਆਂ ਪ੍ਭਾਤ ਫੇਰੀਆਂ ਤੇ ਨਗਰ ਕੀਰਤਨਾਂ ਸਮੇਂ ਆਮ ਲੋਕਾਂ ਤੇ ਥੋੜਾ ਬਹੁਤਾ ਧਰਮ ਦਾ ਰੰਗ ਚੜਿਆ ਹੁੰਦਾ ਹੈ ।ਇਸ ਸਮੇਂ ਉਹ ਬਹੁਤ ਸਾਰੀਆਂ ਉਹਨਾਂ ਗੱਲਾਂ ਨੂੰ ਸਹਜੇ ਹੀ ਮੰਨ ਜਾਂਦੇ ਹਨ , ਜਿਹੜੀਆਂ ਗੱਲਾਂ ਉਹਨਾਂ ਨੂੰ ਅੱਗੋਂ ਪਿੱਛੋਂ ਵਾਧੂ ਜਾ ਬਕਵਾਸ ਲੱਗਦੀਆਂ ਹਨ ।ਪ੍ਭਾਤ ਫੇਰੀਆਂ ਸਮੇਂ ਕਮੇਟੀ ਨੂੰ ਚਾਹੀਦਾ ਹੈ ਕਿ ਪਰਿਵਾਰ ਨੂੰ ਸਰੋਪੇ ਦੇ ਨਾਲ ਜਿਸ ਸਖਸ਼ੀਅਤ ਦੀਆਂ ਪ੍ਭਾਤ ਫੇਰੀਆਂ ਕੱਢੀਆਂ ਜਾ ਰਹੀਆਂ ਨੇ , ਉਸਦੇ ਜੀਵਨ ਨਾਲ ਸਬੰਧਿਤ ਤੇ ਕੁੱਝ ਹੋਰ ਇੱਕ ਦੋ ਕਿਤਾਬਾਂ ਜਿਨ੍ਹਾਂ ਨੂੰ ਅੱਜ ਸਿੱਖਾਂ ਦੇ ਘਰ ਪੁਚਾਉਣ ਦੀ ਲੋੜ ਹੈ , ਦਿੱਤੀਆਂ ਜਾਣ , ਉਹਨਾਂ ਨੂੰ ਪੜਨ ਦੀ ਵਿਸ਼ੇਸ਼ ਹਦਾਇਤ ਦਿੱਤੀ ਜਾਵੇ । ਪ੍ਭਾਤ ਫੇਰੀ ਨਾਲ ਸਬੰਧਿਤ ਸਖਸ਼ੀਅਤ ਦੇ ਜੀਵਨ ਨਾਲ ਤੇ ਕੁੱਝ ਹੋਰ ਧਰਮ ਨਾਲ ਸਬੰਧਿਤ ਲਿਟ੍ਰੇਚਰ ਸੰਗਤਾਂ ਵਿੱਚ ਵੀ ਵੰਡਿਆ ਜਾਵੇ । ਜੇ ਇਹ ਸੇਵਾ ਕਮੇਟੀ ਨਹੀ ਕਰ ਰਹੀ ਤਾਂ ਅਸੀਂ ਜਿੰਨਾਂ ਨੂੰ ਰੱਬ ਨੇ ਗੁਜਾਰੇ ਤੋਂ ਵੱਧ ਦੌਲਤ ਦਿੱਤੀ ਹੈ ,,ਅਸੀਂ ਰਲ ਮਿਲ ਕੇ ਕਰ ਸਕਦੇ ਹਾਂ । ਜਿਸ ਵੀ ਗੁਰੂ ਸਾਹਿਬ , ਭਗਤ ਸਾਹਿਬ ਜਾਂ ਕਿਸੇ ਮਹਾਨ ਗੁਰਸਿੱਖ ਦਾ ਦਿਹਾੜਾ ਹੈ ,ਉਸ ਦੇ ਜੀਵਨ ਤੇ ਰੌਸ਼ਨੀ ਜਰੂਰ ਪਾਈਏ ਤੇ ਨਾਲ ਨਾਲ ਗੁਰਮਤ ਦੇ ਸਿਧਾਂਤ ਦ੍ਰਿੜ ਕਰਵਾਈਏ । ਕੀਰਤਨ ਦੇ ਨਾਲ ਇਤਿਹਾਸ ਤੋਂ ਜਾਣੂੰ ਕਰਵਾਉਣ ਲਈ ਤੇ ਗੁਰਮਤਿ ਸਿਧਾਂਤਾਂ ਨੂੰ ਦਿੜ੍ ਕਰਵਾਉਣ ਲਈ ਲੈਕਚਰ...

ਨਵੇਂ ਸਾਲ ਤੇ ਹਰ ਕਿੱਤੇ ਨਾਲ ਸਬੰਧਿਤ ਲੋਕ 2014 ਵਿੱਚ ਸਫਲ ਰਹੇ ਤੇ ਕੁੱਝ ਨਵਾਂ ਕਰਨ ਵਾਲੇ ਨੂੰ ਤਰ੍ਹਾਂ ਤਰ੍ਹਾਂ ਦੇ ਐਵਾਰਡਾਂ ਨਾਲ ਸਨਮਾਨਿਤ ਕਰ ਰਹੇ ਨੇ । ਮੈਂ ਸੋਚਦਾ ਹਾਂ ਕਿ ਭਾਰਤ ਦੇ ਸਾਰੇ ਦੇਹਧਾਰੀ ਗੁਰੂਆਂ ਤੇ ਸੂਫੀ ਸੰਤਾਂ ਵੱਲੋਂ ਗੁਰਮੀਤ ਰਾਮ ਰਹੀਮ ਸਰਸੇ ਵਾਲੇ ਨੂੰ ਵੀ ਸਨਮਾਨਿਤ ਕਰਨਾ ਚਾਹੀਦਾ ਹੈ । ਸਰਸੇ ਵਾਲੇ ਗੁਰੂ ਨੇ ਫਿਲਮੀ ਜਗਤ ਵਿੱਚ ਪੈਰ ਰੱਖਿਆ ਏ । ਮੇਰੇ ਹਿਸਾਬ ਨਾਲ ਇਹ ਵਿਸ਼ਵ ਦਾ ਪਹਿਲਾ ਗੁਰੂ ਆ ਜਿਹਡ਼ਾ ਬਹੁਤ ਵਧੀਆ ਐਕਟਰ ਵੀ ਆ ,, ਫਿਲਮ ਦਾ ਡਾਇਰੈਕਟਰ ਵੀ ਆ ,,ਸੰਗੀਤ ਡਾਇਰੈਕਟਰ ਵੀ ਆ ,, ਗੀਤਕਾਰ ਵੀ ਆ ,,ਗਾਇਕ ਵੀ ਆ ,, ਲਾਜਵਾਬ ਡਾਂਸਰ ਵੀ ਆ ,, ਫੁੱਟਬਾਲ ਦਾ , ਵਾਲੀਬਾਲ ਦਾ ,ਕਿਰਕਿਟ ਦਾ, ਬੈਡਮਿੰਟਨ ਦਾ ਤੇ ਇੱਕ ਹੋਰ ਗੇਮ ਆ ਜਿਹਦੇ ਵਿੱਚ ਇੱਕ ਟੇਬਲ ਦੇ ਚਾਰੇ ਪਾਸੇ ਬਣੇ ਟੋਇਆਂ ਵਿੱਚ ਡੰਡੇ ਦੀ ਨੋਕ ਦੀ ਚੋਟ ਨਾਲ ਗੇਦ ਪਾਉਂਦੇ ਆ, ਇਸ ਗੇਮ ਦੇ ਨਾਮ ਦਾ ਮੈਨੂੰ ਪਤਾ ਨਹੀਂ ,, ਦਾ ਬਹੁਤ ਵਧੀਆ ਖਿਡਾਰੀ ਵੀ ਆ । ਬਾਬਾ ਜੀ ਹੁਣ ਤੱਕ 60 ਕਾਰਾਂ ਵੀ ਡਿਜਾਇਨ ਕਰ ਚੁੱਕੇ ਨੇ ।ਬਾਬਾ ਜੀ ਨੂੰ ਜੇ ਹੋਰ ਫਿਲਮ ਡਾਇਰੈਕਟਰ ਆਪਣੀ ਫਿਲਮ ਵਿੱਚ ਹੀਰੋ ਦੇ ਤੌਰ ਤੇ ਕੰਮ ਕਰਨ ਲਈ ਕਹਿਣਗੇ ਤਾਂ ਗੁਰੂ ਜੀ ਪੈਸੇ ਲੈ ਕੇ ਕੰਮ ਕਰਨਗੇ । ਬਾਬਾ ਜੀ ਦੀ ਆਪਣੀ ਵੀ ਇੱਕ ਹੋਰ ਫਿਲਮ 10 ਮਹੀਨੇ ਬਾਅਦ ਆ ਰਹੀ ਏ । ਉਹ ਅਧਿਆਤਮਿਕ ਗੁਰੂ ਹੋਣ ਦੇ ਬਾਵਜੂਦ ਫਿਲਮਾਂ ਬਣਾ ਰਹੇ ਨੇ , ਡਾਂਸ ਵਿੱਚ ਆਪਣੇ ਨਾਲ ਕੁੜੀਆਂ ਨਚਾ ਰਹੇ ਨੇ ,ਗਾਣੇ ਗਾ ਰਹੇ ਨ...

ਆਰੀਆ ਸਮਾਜ ਦੇ ਮੁਖੀ ਲਾਲਾ ਦੌਲਤ ਰਾਏ ਲਿਖਦੇ ਨੇ ,,ਮੈਂ ਉਲਟੀ ਗੰਗਾ ਵਹਿੰਦੀ ਸੁਣਿਆ ਸੀ ,ਪਰ ਕਦੇ ਦੇਖੀ ਨਹੀਂ ਸੀ। ਗੁਰੂ ਤੇਗ ਬਹਾਦਰ ਜੀ ਦੀ ਸ਼ਹੀਦੀ ਪੜ ਕੇ ਉਲਟੀ ਗੰਗਾ ਵਹਿੰਦੀ ਦੇ ਅਰਥ ਸਪੱਸ਼ਟ ਹੋ ਗਏ ਨੇ। ਯੇ ਤੋਂ ਸੁਣਾ ਥਾ,ਕਾਤਲ ਮਕਤੂਲ ਕੇ ਪਾਸ ਜਾਏ । ਯਿਹ ਨਹੀਂ ,ਕਿ ਮਕਤੂਲ ਕਾਤਲ ਕੇ ਪਾਸ ਆਏ। ( ਮਕਤੂਲ - ਕਤਲ ਹੋਣ ਵਾਲਾ ) ਅੱਜ ਇੱਕ ਉਲਟੀ ਗੰਗਾ ਅਸੀਂ ਵਹਾਅ ਰਹੇ ਹਾਂ। ਜਿਸ ਦਾ ਜਿਕਰ ਮੈਂ ਇੱਥੇ ਕਰਨਾ ਹੈ। ਮੈਂ ਹੈਰਾਨ ਹਾਂ, ਕਿ ਦੇਵੀ ਦੇਵਤਿਆਂ ਨੂੰ ਆਪਣਾ ਇਸਟ ਮੰਨਣ ਵਾਲੀ ਤੇ ਬ੍ਰਾਹਮਣ ਨੂੰ ਆਪਣਾ ਗੁਰੂ ਮੰਨਣ ਵਾਲੀ ਪਰਜਾ ਤੇ ਖੁਦ ਬ੍ਰਾਹਮਣ ਉੁੱਤੇ ਜਦੋਂ ਵੀ ਕੋਈ ਭਾਰੀ ਸੰਕਟ ਆਇਆ, ਤਾਂ ਉਨ੍ਹਾਂ ਨੇ ਆਪਣੇ ਬਚਾ ਲਈ ਗੁਰੂ ਨਾਨਕ ਸਾਹਿਬ ਜੀ ਦੇ ਘਰ ਦਾ ਦਰਵਾਜਾ ਖੜਕਾਇਆ ਹੈ। ਗਵਾਲੀਅਰ ਦੇ ਕਿਲ੍ਹੇ ਵਿੱਚੋਂ  ਜਦੋਂ ਗੁਰੂ ਹਰਗੋਬਿੰਦ ਸਾਹਿਬ ਜੀ ਰਿਹਾ ਹੋਣ ਲੱਗੇ  ਤਾਂ 52 ਰਿਆਸਤਾਂ ਦੇ ਹਿੰਦੂ ਰਾਜੇ ਜਿੰਨਾ ਨੂੰ ਉਮਰ ਕੈਦ ਹੋਈ ਸੀ, ਗੁਰੂ ਜੀ ਦੇ ਅੱਗੇ ਹੱਥ ਜੋਡ਼ ਕੇ ਖਲੋ ਗਏ ਤੇ ਗੁਰੂ ਜੀ ਨੂੰ ਕਹਿਣ ਲੱਗੇ ਪਾਤਸ਼ਾਹ ਜੀ ਤੁਹਾਡੇ ਤੋਂ ਬਿਨਾਂ ਸਾਨੂੰ ਕੋਈ ਇਸ ਨਰਕ ਕੁੰਡ ਵਿਚੋਂ ਨਹੀਂ ਕੱਢ ਸਕਦਾ। ਗੁਰੂ ਹਰਗੋਬਿੰਦ ਸਾਹਿਬ ਜੀ ਨੇ ਉਨ੍ਹਾਂ ਰਾਜਿਆਂ ਨੂੰ ਰਿਹਾ ਕਰਵਾਇਆ ਸੀ। ਪਹਾੜੀ ਰਾਜਿਆਂ ਨੇ ਮੁਗ਼ਲ ਹਕੂਮਤ ਨੂੰ ਟੈਕਸ ਭਰਨ ਤੋਂ ਮਨਾ ਕਰਕੇ ਪੰਗਾ ਤਾਂ ਲੈ ਲਿਆ, ਫਿਰ ਜਦੋਂ ਜੰਗ ਦੇ ਮੈਦਾਨ ਵਿੱਚ ਔਰੰਗਜ਼ੇਬ ਦੀ ਫੌਜ ...

ਜਿਸ ਦੇਸ਼ ਦੇ ਲੋਕ ਆਪਣੇ ਦੇਸ਼ ਦੀ ਰਾਜਧਾਨੀ ਤੋਂ ਲਾਗੂ ਸੰਵਿਧਾਨ ਵੱਲ ਧਿਆਨ ਨਾ ਦੇ ਕੇ ਆਪੋ ਆਪਣੇ ਕਨੂੰਨ ਘੜ ਕੇ ਬਹਿ ਜਾਣ ,ਉਸ ਦੇਸ਼ ਵਿੱਚ ਤਰੱਕੀ ਤੇ ਖੁਸ਼ਹਾਲੀ ਦੀ ਆਸ ਪਾਣੀ ਵਿੱਚ ਛਾਲ ਮਾਰ ਕੇ ਸੁੱਕੇ ਨਿਕਲ ਆਉਣ ਦੀ ਆਸ ਵਰਗੀ ਹੈ । ਅਸੀਂ ਸਾਰੇ ਸਿੱਖ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੂੰ ਆਪਣਾ ਕੇਂਦਰ ਮੰਨਦੇ ਹਾਂ , ਪਰ ਕਿੰਨੇ ਲੋਕ ਨੇ ਜਿਹਡ਼ੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੂੰ ਸਮਰਪਿਤ ਨੇ । 70 ਸਾਲਾਂ ਤੋਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੋਂ ਇੱਕ ਰਹਿਤ ਮਰਯਾਦਾ ਛਪ ਰਹੀ ਏ । ਜੋ ਹੁਣ ਵੀ ਹਰ ਸਾਲ ਲੱਖਾਂ ਦੀ ਗਿਣਤੀ ਵਿੱਚ ਛਪ ਰਹੀ ਏ । ਮੈਨੂੰ ਲੱਗਦਾ ਮਸਾਂ 30% ਲੋਕਾਂ ਨੂੰ ਉਹਦੇ ਬਾਰੇ ਪਤਾ ਹੋਵੇਗਾ । ਡੇਰੇਦਾਰ ਤਾਂ ਉਸਦੇ ਵੱਡੇ ਵਿਰੋਧੀ ਨੇ ਤੇ ਸ੍ਰੋਮਣੀ ਕਮੇਟੀ ਨੇ ਵੀ ਉਸਦਾ ਖੁੱਲ ਕੇ ਪਰਚਾਰ ਕਰਨ ਵਿੱਚ ਕੋਈ ਵਧੀਆ ਭੂਮਿਕਾ ਨਹੀਂ ਨਿਭਾਈ । ਅਕਾਲ ਤਖ਼ਤ ਤੋਂ ਪ੍ਕਾਸ਼ਿਤ ਰਹਿਤ ਮਰਯਾਦਾ ਅਨੁਸਾਰ ਨਿਤਨੇਮ ਦੀਆਂ ਕੁਲ ਬਾਣੀਆਂ ਪੰਜ ਨੇ , ਤਿੰਨ ਸਵੇਰ ਦੀਆਂ ਤੇ ਦੋ ਸ਼ਾਮ ਦੀਆਂ । ਲੱਗਪਗ 97 % ਗੁਰਦੁਆਰਿਆਂ ਵਿੱਚ ਸਵੇਰੇ ਪੰਜ ਬਾਣੀਆਂ ਦਾ ਨਿਤਨੇਮ ਹੋ ਰਿਹਾ ਏ , ਅਕਾਲ ਤਖ਼ਤ ਸਾਹਿਬ ਦੇ ਅਨੁਸਾਰ ਮੰਗਲਾਚਰਣ ( ਮੂਲਮੰਤਰ ) ' ਗੁਰਪ੍ਰਸਾਦਿ ਤੱਕ ਹੈ । ਮੂਲਮੰਤਰ ਦਾ ਪ੍ਮਾਣਿਕ ਰੂਪ ਨਾਂ ਦੀਆਂ ਬਹੁਤ ਸਾਰੀਆਂ ਕਿਤਾਬਾਂ ਹਰ ਸਾਲ ਵੰਡੀਆਂ ਜਾਂਦੀਆਂ ਨੇ ,, ਲੱਖਾਂ ਦੀ ਗਿਣਤੀ ਵਿੱਚ ਹਰ ਸਾਲ ਸਿੱਖ ਰਹਿਤ ਮਰਯਾਦਾ ਵੰਡੀ ਜਾਂਦੀ ਹੈ , ਇਸ ਦੇ ਬਾਵਜੂਦ ਕੁੱਝ ...

ਸਾਡੇ ਸਮਾਜ ਦੀਆਂ ਗਲ਼ੀਆਂ ਸੜੀਆਂ ਪਰੰਪਰਾਵਾਂ ਨੇ ਕੁੜੀਆਂ ਨੂੰ ਮਾਂ ਬਾਪ ਤੇ ਬੋਝ ਬਣਾ ਦਿੱਤਾ ਏ । ਵਿਆਹ ਤੇ ਮੁੰਡੇ ਵਾਲੇ ਨੌਗਿਆਂ ਦੇ ਨਾਂ ਤੇ ਆਪਣੇ ਰਿਸ਼ਤੇਦਾਰ ਮਾਮੇ-ਮਾਮੀਆਂ , ਚਾਚੇ- ਚਾਚੀਆਂ , ਮਾਸੜ - ਮਾਸੀਆਂ ,ਦਾਦੇ- ਦਾਦੀਆਂ , ਭੂਆ - ਫੁਫੜ ਤੇ ਨਾਨੇ ਨਾਨੀਆਂ ਦੇ ਸੂਟ ਕੁੜੀ ਵਾਲਿਆਂ ਤੋਂ ਹੜੱਪ ਦੇ ਨੇ , ਮੁੰਡੇ ਦੇ ਮੰਮੀ ਡੈਡੀ ਤੇ ਭੈਣ ਜੀਜਾ ਲਈ ਸਪੈਸ਼ਲ ਮਹਿਗੇ ਤੇ ਵਧੀਆ ਸੂਟ ਖਰੀਦਣੇ ਪੈਂਦੇ ਨੇ। ਮੁੰਡੇ ਵਾਲੇ ਕਈ ਵਾਰ ਫਿਰ ਵੀ ਨੱਕ ਮੂੰਹ ਮਰੋੜਦੇ ਨੇ । ਜਿਸ ਪਰਿਵਾਰ ਨੇ ਆਰਥਿਕ ਕਮਜ਼ੋਰੀ ਕਰਕੇ ਖੁਦ ਕਦੇ ਚੰਗੇ ਸੂਟ ਨਾ ਪਾਏ ਹੋਣ , ਉਹ ਐਨਾ ਬੋਝ ਚੁਕ ਕੇ ਧੀਆਂ ਨੂੰ ਕਿਉਂ ਨਾ ਕੋਸੂਗਾ ???? ਕਈ ਥਾਵਾਂ ਤੇ ਤਾਂ ਰਿਸ਼ਤੇਦਾਰਾਂ ਨੂੰ ਸੋਨੇ ਦੀਆਂ ਮੁੰਦੀਆਂ ਤੇ ਕੜੇ ਵੀ ਪਵਾਏ ਜਾਂਦੇ ਨੇ ,, ਸਪੈਸ਼ਲ ਮੰਗ ਵੀ ਕੀਤੀ ਜਾਂਦੀ ਏ ,, ਜਿਹਡ਼ੇ ਕਹਿੰਦੇ ਨੇ ਅਸੀਂ ਦਾਜ ਨਹੀਂ ਲੈਣਾ , ਨੌਗਿਆਂ ਦੇ ਨਾਂ ਤੇ ਹਜ਼ਾਰਾਂ ਦੇ ਕੱਪਡ਼ੇ ਰਿਸ਼ਤੇਦਾਰਾਂ ਨੂੰ ਉਹ ਵੀ ਪਵਾ ਦੇਂਦੇ ਨੇ ਤੇ ਆਪ ਵੀ ਪਾ ਲੈਂਦੇ ਨੇ । ਫੇਰ ਵੀ ਕੁੜੀ , ਕੁੜੀ ਦੇ ਮਾਪਿਆਂ ਤੇ ਲੋਕਾਂ ਨੂੰ ਸੁਣਾਉਂਦੇ ਰਹਿੰਦੇ ਨੇ ਕਿ ਅਸੀਂ ਦਾਜ ਨਹੀਂ ਲਇਆਂ । ਬਹੁਤ ਵਾਰ ਤਾਂ ਅੈਸਾ ਹੁੰਦਾ , ਮੁੰਡਾ ਤੇ ਮੁੰਡੇ ਦੇ ਪਰਿਵਾਰ ਵਾਲੇ ਪਹਿਲਾਂ ਬੜੇ ਸਾਧ ਬਨਣਗੇ ਤੇ ਕਹਿਣਗੇ : ਜੀ ਸਾਨੂੰ ਤਾਂ ਬਸ ਕੁੜੀ ਚਾਹੀਦੀ ਏ , ਭਾਵੇਂ ਦੋ ਕਪੜਿਆਂ ਵਿੱਚ ਹੀ ਭੇਜ ਦੇਵੋ , ਗੱਲ ਬਾਤ ਪੱਕੀ ਹੋਣ ਤੋਂ ਤੁਰੰਤ ਬਾਅਦ ਜਾਂ ਵ...

ਤੂੰ ਜਿਵੇਂ ਜਿਵੇਂ ਜਵਾਨ ਹੋ ਰਿਹਾ ਏ , ਤਿਵੇਂ ਤਿਵੇਂ ਸਾਡੇ ਫਿਕਰ ਜਵਾਨ ਹੋ ਰਹੇ ਨੇ । ਸਭ ਤੋਂ ਪਹਿਲਾ ਫਿਕਰ : ਅਸੀਂ ਤੈਨੂੰ ਕਿਸੇ ਬਹੁਤ ਵਧੀਆ ਸਕੂਲ ,ਕਾਲਜ ਤੇ ਯੂਨੀਵਰਸਿਟੀ ਵਿੱਚ ਪੜਾਉਂਣਾ ਚਾਹੁੰਦਾ ਹਾਂ । ਅਸੀਂ ਤੈਨੂੰ ਬਹੁਤ ਜਿਆਦਾ ਪੜਾਕੇ ਡਾਕਟਰ , ਇੰਜੀਨੀਅਰ ਜਾਂ ਕੋਈ ਬਹੁਤ ਵੱਡਾ ਅਫਸਰ ਬਣਾਉਣਾਂ ਚਾਹੁੰਦਾ ਹਾਂ ,, ਪਰ ਅੱਜ ਦੀ ਤਰੀਕ ਵਿੱਚ ,, ਸਾਡੇ ਕੋਲ ,ਤੇਰੀ ਪੜਾਈ ਤੇ ਖਰਚਣ ਲਈ ਐਨਾ ਪੈਸਾ ਨਹੀਂ ਹੈ , ਕਲ ਦਾ ਪਤਾ ਨਹੀ ਹੈ ,,,,,,, ਦੂਸਰਾ ਫਿਕਰ : ਅਸੀਂ ਦੁਨਿਆਵੀ ਵਿਦਿਆ ਦੇ ਨਾਲ ਨਾਲ , ਧਰਮ ਦੀ ਵਿਦਿਆ ਵੀ ਪੜਾਉਂਣਾ ਚਾਹੁੰਦੇ ਹਾਂ । ਅਸੀਂ ਤੈਨੂੰ ਇੱਕ ਵੱਡੇ ਅਫਸਰ ਦੇ ਨਾਲ ਨਾਲ , ਇੱਕ ਚੰਗਾ ਇਨਸਾਨ ਵੀ ਬਣਾਉਣਾ ਚਾਹੁੰਦੇ ਹਾਂ। ਤੈਨੂੰ ਇੱਕ ਚੰਗਾ ਕੀਰਤਨੀਆਂ , ਕਥਾਵਾਚਕ ਤੇ ਲੈਕਚਰਾਰ ਵੀ ਬਣਾਉਣ ਚਾਹੁੰਦੇ ਹਾ। ਤੇਰੇ ਅੰਦਰ ਧਰਮ ਪਰਚਾਰ ਦੀ ਇੱਕ ਜਵਾਲਾ ਮਚਾਉਂਣੀ ਚਾਹੁੰਦੇ ਹਾਂ । ਪਰ , ਅੱਜ ਦੇ ਬੱਚਿਆਂ ਨੂੰ ਧਰਮ ਤੋਂ ਬਾਗੀ ਹੁੰਦਿਆਂ ਦੇਖ ਕੇ , ਡਰ ਲੱਗਦਾ ਏ । ਪਤਾ ਨਹੀਂ ਤੂੰ ਸਾਡੇ ਸੁਪਨਿਆਂ ਨੂੰ ਪੂਰਾ ਕਰੇਗਾ ਕਿ ਨਹੀਂ ,,,,, ਤੀਸਰਾ ਫਿਕਰ : ਅੱਜ ਜਦੋਂ ਅਸੀਂ ਥੱਕੇ ਟੁੱਟੇ , ਜਾਂ ਕੁੱਝ ਪਰੇਸ਼ਾਨੀਆਂ ਦੇ ਸਤਾਏ ਘਰ ਆਉਂਦੇ ਹਾਂ । ਤੈਨੂੰ ਸਾਡੀ ਕੁੱਛੜ ਚੜਨ ਲਈ ਰੋਂਦਾ ਕੁਰਲਾਉਂਦਾ ਤੇ ਬਿਹਬਲ ਪਾਉਂਦੇ ਹਾਂ । ਜਿੰਦਗੀ ਵਲੋਂ ਦਿੱਤੇ ਸਾਰੇ ਦੁੱਖ ਤਕਲੀਫ਼ਾਂ ਹਵਾ ਚ ਉੱਡ ਜਾਂਦੇ ਨੇ , ਜਦੋਂ ਤੈਨੂੰ ਚੁੱਕ ਕ...

ਜੇ ਤੁਸੀਂ ਸਮਾਜ ਦਾ ਭਲਾ ਕਰਨਾ ਚਾਹੁੰਦੇ ਹੋ , ਪਰ ਤੁਹਾਡੇ ਕੋਲ ਬਹੁਤ ਸਾਰਾ ਧਨ ਦੌਲਤ ਜਾਂ ਸਮਾਂ ਨਹੀਂ ਹੈ । ਤੁਸੀਂ ਫਿਰ ਵੀ ਸਮਾਜ ਦੇ ਕੁੱਝ ਲੋਕਾਂ ਦਾ ਭਲਾ ਕਰ ਸਕਦੇ ਹੋ । ਉਹ ਇਸ ਤਰ੍ਹਾਂ : ਜੇ ਤੁਹਾਡੇ ਅੰਦਰ ਕਾਮ , ਕਰੋਧ , ਲੋਭ , ਮੋਹ , ਹੰਕਾਰ , ਈਰਖਾ , ਚੁਗਲੀ , ਨਿੰਦਿਆ , ਦੂਜਿਆਂ ਨੂੰ ਨੀਵਾਂ ਦਿਖਾਉਣਾ , ਮਾੜਾ ਬੋਲਣਾ , ਹਰ ਸਮੇਂ ਦੂਜਿਆਂ ਦੇ ਨੁਕਸ਼ ਹੀ ਕੱਢਦੇ ਰਹਿਣਾ , ਰੰਗ ਰੂਪ ,ਜਾਤ ਪਾਤ ,ਅਮੀਰੀ ਗਰੀਬੀ , ਧਰਮ ਆਦਿ ਕਰਕੇ ਦੂਜਿਆਂ ਨੂੰ ਨਫ਼ਰਤ ਕਰਨੀ , ਉਹਨਾਂ ਲਈ ਘਟੀਆ ਸ਼ਬਦਾਵਲੀ ਦੀ ਵਰਤੋ ਕਰਨੀ ਆਦਿ ਵਰਗਾ ਕੋਈ ਔਗੁਣ ਹੈ ਤਾਂ ਉਸ ਨੂੰ ਧੂਹ ਕੇ ਬਾਹਰ ਕੱਢ ਦੇਵੋ । ਕਿਉਂਕਿ , ਸਾਡੇ ਇਹਨਾਂ ਔਗੁਣਾਂ ਕਰਕੇ ਸਾਡੇ ਨੇੜੇ ਰਹਿਣ ਵਾਲੇ ਬਹੁਤ ਸਾਰੇ ਲੋਕਾਂ ਵਿੱਚੋ ਕਿਸੇ ਨਾ ਕਿਸੇ ਦੀ ਜਿੰਦਗੀ ਨਰਕ ਬਣੀ ਹੁੰਦੀ ਹੈ । ਵੱਖਰਾ ਵਿਸ਼ਾ ਹੈ ਕਿ ਸਾਡੇ ਕੋਲ ਦੂਜੇ ਦਾ ਦੁੱਖ ਦਰਦ ਮਹਿਸੂਸ ਕਰਨ ਵਾਲੀ ਇਨਸਾਨੀਅਤ ਦੀ ਨਿਗਾਹ ਨਾ ਹੋਣ ਕਾਰਨ, ਸਾਡੇ ਕਰਕੇ ਦੂਜਿਆਂ ਦੀ ਜਿੰਦਗੀ ਵਿੱਚ ਪੈਦਾ ਹੋਇਆ ਤੂਫਾਨ ਸਾਨੂੰ ਨਜ਼ਰ ਨਾ ਆਉਂਦਾ ਹੋਵੇ । ਪਰ ਇਹ ਸਚਾਈ ਹੈ ਕਿ ਸਮਾਜ ਅੰਦਰ ਅੱਜ ਜਿੰਨੀ ਵੀ ਹਨੇਰ ਗਰਦੀ ਮੱਚੀ ਪਈ ਏ , ਇਸ ਦਾ ਕਾਰਨ ਇਹ ਔਗੁਣ ਹਨ । ਆਉ, ਇਹਨਾਂ ਅੌਗੁਣਾਂ ਨੂੰ ਛੱਡ ਕੇ ਆਪਣਾ ਤੇ ਸਮਾਜ ਦਾ ਭਲਾ ਕਰੀਏ । ਹਰਪਾਲ ਸਿੰਘ ਫਿਰੋਜ਼ਪੁਰੀਆ 88722 19051

ਇੱਕ ਵਿਆਹ ਚ ਮਜਬੂਰੀ ਵੱਸ ਇਸਦਾ ਇੱਕ ਗੀਤ ਸੁਨਣਾ ਪਿਆ , ਜਿਸ ਨੂੰ ਸੁਣ ਕੇ ਰਿਸ਼ਤੇਦਾਰੀ ਵਿੱਚ ਖਲੋਤਿਆਂ ਐਨੀ ਸ਼ਰਮ ਆਈ ਕਿ ਮੈ ਭੱਜ ਕੇ ਡੀ ਜੇ ਵਾਲੇ ਨੂੰ ਗੀਤ ਬਦਲਣ ਲਈ ਕਿਹਾ। ਗੀਤ ਸੀ '' ਮੁੰਡਾ ਮਰਦਾ ਕੁੜੀ ਦੀ ਫਿੱਗਰ ਤੇ , ਕੁੜੀ ਮਰਦੀ ਮੁੰਡੇ ਦੇ ਜਿਗਰ ਤੇ '' ਅੱਜ ਕਲ ਇਹੋ ਜਿਹੇ ਪੁਠੇ ਸਿਧੇ ਗੀਤ ਬਹੁਤ ਆ ਰਹੇ ਨੇ , ਕੋਈ ਕਹਿੰਦਾ ਤੇਰਾ ਬਾਪੂ ਕੇਹੜਾ ਲਦੇਨ ਆ ,, ਮੈਂ ਕੱਲ ਉਹਦੀ ਬਾਂਹ ਫੜ ਲਈ ,, ਆਦਿ । ਹੁਣ ਦੱਸੋ ਅੈਹੋ ਜਿਹੇ ਗੀਤ ਗਾਉਣ ਵਾਲੇ ਸਿੰਗਰਾਂ ਨੂੰ ਆਪਣਾ ਨਾਇਕ ਮੰਨਣ ਵਾਲੇ ਮੁੰਡੇ ਲੋਕਾਂ ਦੀਆਂ ਧੀਆਂ ਭੈਣਾਂ ਦੀ ਇੱਜ਼ਤ ਨੂੰ ਹੱਥ ਨਾ ਪਾਉਣਗੇ ਤਾਂ ਹੋਰ ਕੀ ਕਰਨਗੇ । ਕਿਸੇ ਦੀ ਇੱਜ਼ਤ ਲੁੱਟੇ ਜਾਣ ਤੋਂ ਬਾਅਦ ਰੋਸ ਮੁਜ਼ਾਹਰੇ ਵਜੋਂ ਸੜਕਾਂ ਤੇ ਉੱਤਰਣ ਵਾਲੀਆਂ ਕੁੜੀਆਂ ਵਿਚੋਂ ਬਹੁਤ ਸਾਰੀਆਂ ਐਸੀਆਂ ਹੁੰਦੀਆਂ ਨੇ ,, ਜਿਹੜੀਆਂ ਐਹੋ ਜਿਹੇ ਗੀਤਾਂ ਤੇ ਘਰ ਪਰਿਵਾਰ ਤੇ ਸਮਾਜ ਦੀ ਸ਼ਰਮ ਹਯਾ ਦੀ ਪਰਵਾਹ ਕੀਤਿਆਂ ਬਿਨਾਂ ਸਭ ਦੇ ਸਾਹਮਣੇ ਠੁਮਕੇ ਲਾਉਂਦੀਆਂ ਨੇ । ਜਦਕਿ ਕੁੜੀਆਂ ਨੂੰ ਇਹਨਾਂ ਗੀਤਾਂ ਦੀ ਵਿਰੋਧਤਾ ਕਰਨੀ ਚਾਹੀਦੀ ਹੈ । ਅਸੀਂ ਨਸ਼ਿਆਂ ਦੀ ਸਾਰੀ ਜਿੰਮੇਵਾਰੀ ਸਰਕਾਰ ਦੇ ਸਿਰ ਸੁੱਟੀ ਜਾਨੇ ਆ। ਸਰਕਾਰ ਨਸ਼ਾ ਸਪਲਾਈ ਕਰਦੀ ਹੋਵੇਗੀ , ਨਸ਼ਾ ਲੋਕਾਂ ਦੇ ਮੂੰਹ ਵਿੱਚ ਨਹੀਂ ਪਾਉਂਦੀ । ਨਸ਼ੇ ਦੀ ਇੱਲਤ ਲਾਉਣ ਵਿੱਚ ਗੀਤ ਮੋਹਰੀ ਭੂਮਿਕਾ ਨਿਭਾ ਰਹੇ ਨੇ , ਵਿਆਹ ਸ਼ਾਦੀਆਂ ਜਾ ਹੋਰ ਖੁਸ਼ੀ ਦੇ ਮੌਕਿਆਂ ਤੇ ਚਾਰ ਜਣੇ ਇਕੱਠੇ...

ਸਿੱਖ ਤੇ ਕੇਸ ਏਸੀਆ ਦੀ ਸਭ ਤੋਂ ਵੱਡੀ ਤਾਕਤ ਮਰਹੱਟਿਆਂ ਨੂੰ 1761 ਈ : ਵਿੱਚ ਹਰਾਉਣ ਤੋਂ ਬਾਅਦ ਅਬਦਾਲੀ ਨੇ ਆਪਣਾ ਰੁੱਖ ਸਿੱਖਾਂ ਵੱਲ ਕੀਤਾ । ਮਰਹੱਟਿਆਂ ਦੀ ਮਦਦ ਕਰਨ ਕਾਰਨ ਮਹਾਰਾਜਾ ਆਲਾ ਸਿੰਘ ਨੂੰ ਜਾ ਘੇਰਿਆ । ਆਲਾ ਸਿੰਘ ਨੂੰ ਪੰਜ ਲੱਖ ਰੁਪਏ ਜੁਰਮਾਨਾ ਤੇ ਸਿਰ ਦੇ ਕੇਸ ਤੇ ਦਾਹੜਾ ਕਟਵਾ ਕੇ ਦਰਬਾਰ ਵਿੱਚ ਹਾਜ਼ਰ ਹੋਣ ਲਈ ਕਿਹਾ । ਮਹਾਰਾਜਾ ਆਲਾ ਸਿੰਘ ਨੇ ਕਿਹਾ ਕਿ ਕੇਸ ਕਤਲ ਕਰਵਾਉਣ ਤੋਂ ਕਿਸੇ ਤਰ੍ਹਾਂ ਛੋਟ ਮਿਲ ਸਕਦੀ ਹੈ । ਅਬਦਾਲੀ ਨੇ ਕਿਹਾ ਸਵਾ ਲੱਖ ਰੁਪਇਆ ਹੋਰ ਹਾਜ਼ਰ ਕਰਦੇ । ਆਲਾ ਸਿੰਘ ਨੇ ਸਵਾ ਲੱਖ ਰੁਪਇਆ ਤਾਰ ਕੇ ਸਿੱਖੀ ਦੀ ਲਾਜ ਨੂੰ ਬਚਾ ਲਿਆ । ਉਦੋਂ ਦਾ ਸਵਾ ਲੱਖ ਅੱਜ ਦੇ ਜਮਾਨੇ ਦਾ ਕਈ ਕਰੋਡ਼ ਬਣਦਾ ਹੈ । ਬਜੁਰਗਾਂ ਤੋਂ ਇੱਕ ਹੋਰ ਸਾਖੀ ਸੁਣੀ ਸੀ , ਜਿਸ ਸਮੇਂ ਪੱਤਾ ਪੱਤਾ ਸਿੰਘਾਂ ਦਾ ਵੈਰੀ ਸੀ। ਇੱਕ ਗਰੀਬ ਸਿੱਖ ਕਿਸੇ ਗੈਰ ਸਿੱਖ ਦੀ ਦੁਕਾਨ ਤੇ ਜਾ ਕੇ ਕਹਿੰਦਾ ਮੇਰੇ ਕੋਲ ਅੱਜ ਪੈਸੇ ਨਹੀਂ ਅੱਜ ਤੁਸੀਂ ਮੈਨੂੰ ਰੋਟੀ ਖਵਾ ਦੇਵੋ , ਮੈਂ ਤੁਹਾਨੂੰ ਕੱਲ ਨੂੰ ਪੈਸੇ ਦੇ ਦੇਵਾਂਗਾ । ਦੁਕਾਨ ਵਾਲਾ ਅਗੋਂ ਕਹਿੰਦਾ ਤੁਸੀਂ ਆਪਣੇ ਕੇਸਾਂ ਵਿਚੋਂ ਇੱਕ ਵਾਲ ਪੁੱਟ ਕੇ ਦੇ ਦੇਵੋ , ਮੈਂ ਤੁਹਾਨੂੰ ਮੁਫਤ ਰੋਟੀ ਖਵਾ ਦੇਵਾਂਗਾ । ਸਿੱਖ ਏਨੀ ਗੱਲ ਸੁਣ ਕੇ ਭੁੱਖਾ ਹੀ ਉੱਠ ਕੇ ਤੁਰ ਗਿਆ । ਇਹ ਸਾਰੀ ਵਾਰਤਾ ਸੁਣ ਕੇ ਇੱਕ ਗੈਰ ਸਿੱਖ ਦੁਕਾਨ ਵਾਲੇ ਨੂੰ ਕਹਿੰਦਾ , ਤੁਸੀਂ ਮੇਰੇ ਜਿੰਨੇ ਮਰਜੀ ਵਾਲ ਲੈ ਲਵੋ , ਮੈਨੂੰ ਮੁਫਤ ਰੋਟੀ ਖਵਾ ...

ਅੰਗਰੇਜ਼ੀ ਹਕੂਮਤ ਸਮੇਂ ਇੱਕ ਅੰਗਰੇਜ਼ ਕਮਿਸ਼ਨਰ ਨੇ ਆਪਣੀ ਫੌਜ ਵਿੱਚ ਭਰਤੀ ਇੱਕ ਸਿੱਖ ਨੂੰ ਅਵਾਜ਼ ਦਿੱਤੀ । ਸਰਦਾਰ ਜੀ ,, ਏਧਰ ਆਉ । ਅਵਾਜ਼ ਸੁਣ ਕੇ , ਸਿੱਖ ਆ ਗਿਆ , ਉਸ ਪਲਟਨ ਦਾ ਮੁੱਖੀ ਵੀ ਆ ਗਿਆ , ਜੋ ਬਿਹਾਰੀ ਸੀ । ਕਮਿਸ਼ਨਰ ਸਿੱਖ ਨਾਲ ਗੱਲਬਾਤ ਕਰਨ ਲੱਗ ਪਿਆ । ਬਿਹਾਰੀ ਬੋਲਿਆ , ਸਰਦਾਰ ਤੇ ਮੈਂ ਹਾਂ । ( ਕਿਉਂਕਿ ਉਹ ਮੁੱਖੀ ਹੋਣ ਕਰਕੇ ਆਪਣੇ ਆਪ ਨੂੰ ਸਰਦਾਰ ਸਮਝਦਾ ਸੀ ) ਕਮਿਸ਼ਨਰ ਕਹਿੰਦਾ , ਮੈਂ ਇਸ ਸਰਦਾਰ ਨੂੰ ਬੁਲਾਇਆ ਸੀ । ਬਿਹਾਰੀ ਨੇ ਨਿਰਾਜਗੀ ਜਿਤਾਈ ਕਿ ਮੇਰੇ ਹੁੰਦਿਆਂ , ਕਿਸੇ ਹੋਰ ਨੂੰ ਸਰਦਾਰ ਕਹਿਣਾ ਮੇਰੀ ਬੇਇੱਜਤੀ ਹੈ । ਕਮਿਸ਼ਨਰ ਨੇ ਕਿਹਾ , ਦੇਖ ,, ਤੈਨੂੰ ਸਰਦਾਰ ਮੈਂ ਬਣਾਇਆ ਹੈ , ਮੈਂ ਇਹ ਸਰਦਾਰੀ ਕਦੇ ਵੀ ਖੋਹ ਸਕਦਾ ਹਾਂ । ਪਰ , ਇਹ ਸਿੱਖ ਜਨਮ ਤੋਂ ਹੀ ਸਰਦਾਰ ਆ, ਜਿਸਦੀ ਸਰਦਾਰੀ ਕੋਈ ਨਹੀਂ ਖੋਹ ਸਕਦਾ । ਇਹ ਸੱਚ ਆ ਕਿ ਸਮੇਂ ਦੀਆਂ ਸਰਕਾਰਾਂ ਨੇ ਆਪਣਾ ਸਾਰਾ ਜੋਰ ਸਰਦਾਰੀ ਖੋਹਣ ਤੇ ਲਾਇਆ , ਪਰ ਉਹ ਕਾਮਯਾਬ ਨਹੀਂ ਹੋ ਸਕੇ । ਰਤਨ ਸਿੰਘ ਭੰਗੂ ਨੇ ਪ੍ਚੀਨ ਪੰਥ ਪ੍ਕਾਸ਼ ਵਿੱਚ 278 ਪੰਨਾ ਤੇ ਸਿੰਘਾਂ ਨੂੰ ਦਿੱਤੇ ਜਾਣ ਵਾਲੇ ਤਸੀਹਿਆਂ ਦਾ ਜਿਕਰ ਕੀਤਾ ਏ । ਕਈ ਚਰਖ , ਕਈ ਫਾਂਸੀ ਮਾਰੇ । ਕਈ ਟੋਕਨ ਕਈ , ਕਈ ਛੁਰੀ ਕਟਾਰੇ । ਕਈ ਅਨਕ ਸਿਰ ਮੁੰਗਲੀ ਕੁੱਟੇ । ਕਈ ਡੋਬੇ , ਕਈ ਘਸੀਟ ਸੇ ਸੁੱਟੇ । ਦਬੇ , ਕਟੇ , ਬੰਦੂਕਨ ਦਏ ਮਾਰ । ਕੌਣ ਗਿਣੇ ਜੋ ਮਾਰੇ ਹਜਾਰ । ਪਾਤ ਪਾਤ ਕਈ ਪਕੜ ਬਹਾਏ । ਸਾਥ ਤੇਗਨ ਕ...

' ਫੈਸ਼ਨਪ੍ਸਤੀ ਕਿ ਬਦਸੂਰਤੀ '' ਵੱਡੇ ਵੱਡੇ ਕੱਟੇ ਹੋਏ ਵਾਲ ,ਕੰਨਾਂ ਵਿੱਚ ਨੱਤੀਆਂ ਤੇ ਕਲੀਨ ਸ਼ੇਵ ਮੁੰਡੇ ਨੂੰ ਆਪਣੇ ਘਰ ਵਿੱਚ ਵੇਖ ਕੇ , ਇੱਕ ਬੱਚੇ ਨੇ ਸਵਾਲ ਕੀਤਾ । '' ਤੁਸੀਂ ਮੇਰੀ ਦੀਦੀ ਕੇ ਬੁਆਏ ਫਰੈਂਡ ਹੋ , ਜਾਂ ਭਈਆ ਕੀ ਗਰਲ ਫਰੈਂਡ ?? ਅਜਬ ਮੀਆਂ ਮਨੁੱਖਸ਼ ਹੈਂ , ਨਾ ਹੀਉਂ ਮੇ ਨਾ ਸੀਉਂ ਮੈਂ । ਸਿਆਣੇ ਕਹਿੰਦੇ ਆ ,,, ਖਾਈਏ ਮਨ ਭਾਉਦਾ , ਕਰੀਏ ਜੱਗ ਭਾਉਦਾ । ਪਰ ਸਾਡੇ ਅੱਜ਼ਕਲ ਦੇ ਨੌਜਵਾਨ ਕੁੜੀਆਂ ਮੁੰਡਿਆਂ ਨੂੰ ਸਿਆਣਿਆਂ ਦੀਆਂ ਗੱਲਾਂ ਤਾਂ ਸਮਝ ਨਹੀਂ ਆਉਂਦੀਆ। ਉਹ ਤਾਂ ,ਗੀਤਾਂ ਦੇ ਵਿੱਚ ਸ਼ੂਟਿੰਗ ਕਰ ਰਹਿਆ ਦੀ ਜਾਂ ਫਿਲਮਾਂ ਦੇ ਹੀਰੋ ਹੀਰੋਇਨਾ ਦੀ ਭਾਸ਼ਾ ਸਮਝਦੇ ਆ । ਇਹੋ ਕਾਰਨ ਹੈ ਕਿ ਸਾਡੀ ਨੌਜਵਾਨ ਪੀਡ਼੍ਹੀ ਸਕੂਲਾਂ ਕਾਲਜਾਂ ਵਿੱਚ ਪੜਣ ਲਿਖਣ ਘੱਟ ਤੇ ਆਸ਼ਕੀ ਮਸ਼ੂਕੀ , ਆਪਣੇ ਤਰ੍ਹਾਂ ਤਰ੍ਹਾਂ ਦੇ ਕੱਪਡ਼ਿਆਂ ਤੇ ਆਪਣੇ ਸਟਾਇਲਾ ਦੀ ਪਰਦਰਸ਼ਨੀ , ਨਸ਼ੇ ਤੇ ਗੁੰਡਾ ਗਰਦੀ ਕਰਨ ਵੱਧ ਜਾਂਦੀ ਏ । ਫੈਸ਼ਨਪ੍ਸਤੀ ਦਾ ਵਰਦਾਨ ਵੀ ਇਹਨਾਂ ਨੇ ,,,ਫਿਲਮਾਂ ਤੇ ਗੀਤਾਂ ਤੋਂ ਹੀ ਲਿਆ ਏ । ਭਾਰਤ ਵਿੱਚ ਇਹੋ ਜਿਹੀ ਸ਼ਕਲ ਜਿਸਨੂੰ ਦੇਖ ਕੇ ਨਰ ( He ) ਅਤੇ ਨਾਰ ( She ) ਦਾ ਪਤਾ ਹੀ ਨਹੀਂ ਲੱਗਦਾ , ਸ਼ਾਇਦ ਸਭ ਤੋਂ ਪਹਿਲਾਂ ਮਾਈਕਲ ਜੈਕਸਨ ਨੇ ਬਣਾਈ ਸੀ । ਅੱਜ਼ਕਲ ਇਹੋ ਜਿਹੀਆਂ ਬੇਅੰਤ ਸ਼ਕਲਾਂ ਬਜਾਰਾਂ ਵਿੱਚ ਵਿੰਗੇ ਟੇਡੇ ਹੋ ਕੇ ਤੁਰੀਆਂ ਫਿਰਦੀਆਂ ਜਾਂ ਕਿਸੇ ਗੈਰ ਜਿਹੇ ਤਰੀਕੇ ਨਾਲ ਕਿਸੇ ਗਲੀ ਮੁਹੱਲੇ ਜ...

ਸਮਾਜ ਵਿੱਚ ਜੇ ਤੁਸੀਂ ਲੋਕਾਂ ਨਾਲ ਆਪਣੇ ਸਬੰਧ ਸੁਖਾਵੇਂ ਰੱਖਣੇ ਚਾਹੁੰਦੇ ਹੋ । ਤਾਂ ,,,, ਇੱਕ ਗੱਲ ਦਾ ਸਦਾ ਧਿਆਨ ਰੱਖੋ । ਕਿ ਕੋਈ ਵੀ ਇਨਸਾਨ ਪੂਰਾ ਨਹੀਂ ਹੈ , ਹਰ ਕਿਸੇ ਵਿੱਚ ਕੋਈ ਨਾ ਕੋਈ ਅੌਗੁਣ ਹੋਣਾ ਸੁਭਾਵਕ ਗੱਲ ਹੈ । ਅਸੀਂ ਸਾਰੇ ਕਿਸੇ ਨਾ ਕਿਸੇ ਅੌਗੁਣ ਦੇ ਸ਼ਿਕਾਰ ਹਾਂ । ਇਨਸਾਨ ਦੀ ਬਦਕਿਸਮਤੀ ਹੈ ਕਿ ਇਸਨੂੰ ਆਪਣੇ ਅੌਗੁਣ ਬਹੁਤ ਘੱਟ ਨਜ਼ਰ ਆਉਂਦੇ ਨੇ । ਜੇ ਕਿਸੇ ਦੂਜੇ ਦੇ ਅੌਗੁਣ ਕਿਸੇ ਹੋਰਾਂ ਲਈ ਜਿਆਦਾ ਖਤਰਨਾਕ ਨਹੀਂ ਹਨ , ਤਾਂ ਉਸ ਨਾਲ ਮਿਲੋ ਵਰਤੋ । ਜੇ ਤੁਸੀਂ ਦੂਜਿਆਂ ਦੇ ਹਰ ਨਿੱਕੇ ਨਿੱਕੇ ਅੌਗੁਣ ਵੱਲ ਧਿਆਨ ਦੇ ਕੇ , ਉਸਦੀ ਅਲੋਚਨਾ ਕਰੋਗੇ , ਤਾਂ ਤੁਸੀਂ ਰਿਸ਼ਤੇ ਨਿਭਾਉਣ ਵਿੱਚ ਸਦਾ ਨਾਕਾਮ ਰਹੋਗੇ । ਕੋਸ਼ਿਸ਼ ਕਰੋ ਦੂਜਿਆਂ ਦੇ ਅੌਗੁਣ ਦੇਖਣ ਦੇ ਨਾਲ ਨਾਲ ਉਨ੍ਹਾਂ ਦੇ ਗੁਣਾਂ ਤੇ ਵੀ ਨਜ਼ਰ ਰੱਖੋ , ਤੁਹਾਨੂੰ ਹਰ ਕਿਸੇ ਵਿਚੋਂ ਕੋਈ ਨਾ ਕੋਈ ਅੈਸਾ ਗੁਣ ਜਰੂਰ ਲੱਭ ਜਾਵੇਗਾ ਜਿਹਡ਼ਾ ਤੁਹਾਨੂੰ ਉਸਦੇ ਨੇਡ਼ੇ ਲੈ ਜਾਵੇਗਾ ਤੇ ਤੁਹਾਡੇ ਦਿਲ ਵਿੱਚ ਉਸਦਾ ਸਤਿਕਾਰ ਪੈਦਾ ਕਰ ਦੇਵੇਗਾ ।ਯਾਦ ਰੱਖੋ , ਸਤਿਕਾਰਯੋਗ ਬਨਣ ਲਈ , ਦੂਜਿਆਂ ਦਾ ਸਤਿਕਾਰ ਕਰਨ ਦੀ ਜਾਚ ਹੋਣੀ ਜਰੂਰੀ ਹੈ । ਹਰਪਾਲ ਸਿੰਘ ਫਿਰੋਜ਼ਪੁਰੀਆ 88722-19051

ਸਾਡੇ ਸਰੀਰ ਵਿੱਚ ਜੇ ਪੱਥਰੀ , ਰਸੌਲੀ ਤੇ ਹਰਨੀਆਂ ਆਦਿ ਕੋਈ ਵੀ ਬਿਮਾਰੀ ਹੋਵੇ , ਤਾਂ ਸਾਨੂੰ ਬਹੁਤ ਤਕਲੀਫ਼ ਹੁੰਦੀ ਹੈ । ਇਨ੍ਹਾਂ ਦੀ ਰੋਜ਼ ਦੀ ਤਕਲੀਫ਼ ਤੋਂ ਬਚਣ ਲਈ ਸਾਨੂੰ ਅਪਰੇਸ਼ਨ ਦੀ ਦਿਲ ਕੰਬਾਉ ਪੀਡ਼ ਵਿਚੋਂ ਗੁਜਰਣਾ ਪੈਂਦਾ ਹੈ । ਜੇ ਅਸੀਂ ਅਪਰੇਸ਼ਨ ਤੋਂ ਕੰਨੀ ਕਤਰਾਉਂਦੇ ਰਹੀਏ , ਕੱਲ ਤੇ ਪਾਉਂਦੇ ਰਹੀਏ । ਤਾਂ ਇਹ ਰੋਗ ਵੱਧ ਕੇ ਸਾਡਾ ਜੀਣਾ ਹਰਾਮ ਕਰ ਦਿੰਦੇ ਹਨ । ਅਸਫਲ ਵਿਅਕਤੀ ਨੂੰ ਆਰਥਿਕ , ਸਮਾਜਿਕ ਤੇ ਪਰਿਵਾਰਕ ਅਨੇਕਾਂ ਤਰ੍ਹਾਂ ਦੀਆਂ ਪਰੇਸ਼ਾਨੀਆ ਵਿਚੋਂ ਗੁਜਰਣਾ ਪੈਂਦਾ ਹੈ । ਅਸਫਲ ਵਿਅਕਤੀ ਨੂੰ ਵੀ ਸਫਲ ਹੋਣ ਲਈ ਮਿਹਨਤ ਦੀ ਸੂਲੀ ਚੜਨਾ ਪਵੇਗਾ । ਜਿੰਮੇਵਾਰੀ ਦਾ ਭਾਰ ਉੁਠਾਉਣਾ ਪਵੇਗਾ । ਆਲਸ ਦੀ ਨੀਂਦ ਤਿਆਗ ਕੇ ਉੱਦਮ ਦੇ ਰਾਹ ਚਲਦਿਆਂ ਪੈਰਾਂ ਵਿੱਚ ਖੁਭਣ ਵਾਲੇ ਕੰਢਿਆਂ ਵਲੋਂ ਬੇਪਰਵਾਹ ਹੋਣਾ ਪਵੇਗਾ। ਫਿਰ ਹੀ ਸਫਲਤਾ ਸਾਡੇ ਪੈਰ ਚੁੰਮੇਗੀ । ਸਫਲ ਵਿਅਕਤੀ ਦੀ ਖੁਸ਼ੀ ਕੋਈ ਖੋ ਨਹੀ ਸਕਦਾ ਤੇ ਅਸਫਲ ਵਿਅਕਤੀ ਨੂੰ ਖੁਸ਼ੀ ਕੋਈ ਦੇ ਨਹੀ ਸਕਦਾ । ਆਤਮ ਹੱਤਿਆ ਸਿਰਫ ਅਸਫਲ ਵਿਅਕਤੀ ਹੀ ਕਰਦੇ ਹਨ । ਸਫਲ ਵਿਅਕਤੀ ਤਾਂ ਜਿੰਦਗੀ ਨੂੰ ਵਧਾਉਣ ਦੀਆਂ ਸੋਚਾਂ ਸੋਚਦੇ ਹਨ । ਕਿਉਂਕਿ ਅਸਫਲ ਵਿਅਕਤੀ ਨਰਕ ਵਿੱਚ ਜੀਉਂਦਾ ਹੈ ਤੇ ਸਫ਼ਲ ਵਿਵਿਅਕਤੀ ਸਵਰਗ ਵਿੱਚ ਜੀਉਂਦਾ ਹੈ । ਨਰਕ ਤੋਂ ਹਰ ਕੋਈ ਭੱਜਦਾ ਹੈ ਤੇ ਸਵਰਗ ਵਿੱਚ ਹਰ ਕੋਈ ਰਹਿਣਾ ਚਾਹੁੰਦਾ ਹੈ । ਸਮਾਜ ਵਿੱਚ ਬਹੁਤ ਸਾਰੇ ਮੇਰੇ ਵਰਗੇ ਅਪਣੀ ਅਸਫ਼ਲਤਾ ਨੂੰ ਲੈ ਕੇ ਝੂਰਦੇ ਤਾਂ ਰਹਿੰਦੇ ਹਨ । ਪਰ ...

ਸਾਡੇ ਅੰਦਰ ਚੰਗੀਆਂ ਲਿਖਤਾਂ ਪੜਨ ਦੀ ਰੁਚੀ ਹੈ , ਚੰਗੀ ਗੱਲ ਹੈ । ਅਸੀਂ ਸਮਾਜ ਭਲਾਈ ਹਿੱਤ ਉਹ ਲਿਖਤਾਂ ਹੋਰਾਂ ਨੂੰ ਵੀ ਪੜਾਉਣਾ ਚਾਹੁੰਦੇ ਹਾਂ , ਹੋਰ ਵੀ ਚੰਗੀ ਗੱਲ ਹੈ । ਪਰ , ਜੇ ਅਸੀਂ ਕਿਸੇ ਦੀ ਲਿਖਤ ਨੂੰ ਆਪਣੇ ਨਾਮ ਥੱਲੇ ਜਾਂ ਲੇਖਕ ਦਾ ਨਾਮ ਕੱਟ ਕੇ ਲੋਕਾਂ ਨਾਲ ਸ਼ੇਅਰ ਕਰ ਰਹੇ ਹਾਂ । ਤਾਂ ਇਹ ਸਭ ਤੋਂ ਮਾੜੀ ਗੱਲ ਹੈ । ਜੇ ਸਾਡੇ ਅੰਦਰ ਪੜਨ ਦੀ ਲਗਨ ਹੈ ਤਾਂ ਕੋਸ਼ਿਸ਼ ਕਰਨ ਤੇ ਇੱਕ ਦਿਨ ਸਾਡੇ ਅੰਦਰੋਂ ਸਾਹਿਤ ਜਰੂਰ ਫੁੱਟੇਗਾ । ਜਿੰਨੇ ਵੀ ਲੇਖਕ ਨੇ ਉਹ ਦੂਜਿਆਂ ਦੀਆਂ ਲਿਖਤਾਂ ਪੜ ਕੇ ਹੀ ਲਿਖਣ ਦੇ ਗੁਰ ਸਿੱਖੇ ਹਨ । ਜੇ ਸਾਨੂੰ ਆਪਣਾ ਨਾਮ ਬਣਾਉਣ ਦੀ ਤਾਂਘ ਹੈ ਤਾਂ ਸਾਨੂੰ ਕੁੱਝ ਨਾ ਕੁੱਝ ਲਿਖਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ । ਹੋ ਸਕਦਾ ਹੈ ਕਿ ਸਮੇਂ ਨਾਲ ਅਸੀਂ ਉਸਤੋਂ ਵੀ ਚੰਗੇ ਲੇਖਕ ਬਣ ਜਾਈਏ , ਜਿਸਦੀਆਂ ਲਿਖਤਾਂ ਅਸੀਂ ਚੋਰੀ ਕਰ ਰਹੇ ਹਾਂ । ਜੇ ਕੱਲ ਨੂੰ ਅਸੀਂ ਆਪਣੀ ਕੋਈ ਰਚਨਾ ਲੋਕਾਂ ਨਾਲ ਸ਼ੇਅਰ ਕਰਾਂਗੇ ਤਾਂ ਲੋਕ ਉਸਨੂੰ ਵੀ ਚੋਰੀ ਦੀ ਹੀ ਸਮਝਣਗੇ । ਜੇ ਅਸੀਂ ਸੋਚਦੇ ਹਾਂ ਕਿ ਕਿਸੇ ਨੂੰ ਕਿਹਡ਼ਾ ਪਤਾ ਲੱਗਦਾ , ਇਸ ਦਾ ਅਸਲ ਲਿਖਾਰੀ ਕੌਣ ਹੈ , ਤਾਂ ਇਹ ਸਾਡੇ ਮਨ ਦਾ ਭਰਮ ਹੈ । ਹਰ ਚੰਗੀ ਲਿਖਤ ਨੂੰ ਕੁੱਝ ਚੰਗੇ ਲੋਕਾਂ ਵਲੋਂ ਵੱਧ ਤੋਂ ਵੱਧ ਲੇਖਕ ਦੇ ਨਾਮ ਹੇਠ ਸ਼ੇਅਰ ਕੀਤਾ ਜਾਂਦਾ ਹੈ । ਹਰ ਲੇਖਕ ਨੂੰ ਵੱਧ ਤੋਂ ਵੱਧ ਲੋਕ ਆਪਣੇ WhatsApp ਤੇ Facebook ਗਰੁੱਪ ਵਿੱਚ ਸ਼ਾਮਿਲ ਕਰਦੇ ਹਨ । ਲੇਖਕ ਵਧੀਆ ਰਚਨਾ ਨੂੰ ਇਹਨਾਂ...

ਕੋਈ ਵੀ ਹੋਵੇ ਸਮਾਜਿਕ , ਧਾਰਮਿਕ , ਰਾਜਨੀਤਿਕ , ਜਾ ਪਰਿਵਾਰਿਕ । ਸਿਆਣੇ ਤੇ ਸਮਝਦਾਰ ਲੋਕ ਮਿੱਠੀ ਤੇ ਸੱਭਿਅਕ ਬੋਲੀ ਵਰਤਣ ਦਾ ਉਪਦੇਸ਼ ਦਿੰਦੇ ਹਨ । ਧਰਮ ਦੀ ਦੁਨੀਆਂ ਵਿੱਚ ਧਰਮ ਦੇ ਪ੍ਚਾਰਕ ਦੀ ਬੋਲੀ ਵਿੱਚ ਮਿਠਾਸ ਦੀ ਬਹੁਤ ਜਰੂਰਤ ਹੁੰਦੀ ਹੈ । ਪ੍ਚਾਰਕ ਸਿਰਫ ਸਟੇਜ ਤੇ ਬੋਲਣ ਵਾਲਾ ਹੀ ਨਹੀ ਹੁੰਦਾ , ਲਿਖ ਕੇ ਜਾਂ ਲੋਕਾਂ ਵਿੱਚ ਤੁਰ ਫਿਰ ਕੇ ਧਰਮ ਦੀ ਕਿਸੇ ਵੀ ਤਰੀਕੇ , ਕੋਈ ਵੀ ਗੱਲ ਸਮਝਾਉਣ ਵਾਲਾ ਹਰ ਮਰਦ ਜਾਂ ਤੀਵੀ ਪ੍ਚਾਰਕ ਹੁੰਦਾ ਹੈ । ਕਿਉਂਕਿ , ਧਰਮ ਨੇ ਲੋਕਾਂ ਦਾ ਜੀਵਨ ਸਵਾਰਨਾ ਹੁੰਦਾ ਹੈ , ਜੀਵਨ ਪੱਧਰ ਨੂੰ ਉੁੱਚਾ ਚੁੱਕਣਾ ਹੁੰਦਾ ਹੈ , ਲੋਕਾਂ ਨੂੰ ਅਵਗੁਣਾਂ ਦੇ ਚਿੱਕਡ਼ ਵਿਚੋਂ ਬਾਹਰ ਕੱਢ ਕੇ ਗੁਣਾਂ ਦੀ ਸਵਰਗੀ ਧਰਤੀ ਤੇ ਲਿਆਉਣਾ ਹੁੰਦਾ ਹੈ। ਧਰਮ ਨੇ ਦੁਨੀਆਂ ਨੂੰ ਸਭ ਤਰ੍ਹਾਂ ਦੇ ਵੈਰ ਵਿਰੋਧ ਮਿਟਾ ਕੇ , ਬਿਨਾਂ ਰਿਸ਼ਤੇਦਾਰੀ ਦੇ ਹੀ , ਇੱਕ ਦੂਜੇ ਦੇ ਨੇਡ਼ੇ ਲਿਆ ਕੇ , ਇੱਕ ਦੂਜੇ ਦੇ ਦੁੱਖਾਂ , ਤਕਲੀਫ਼ਾਂ ਸਮੇਂ ਮਦਦਗਾਰ ਹੋਣ ਦੀ ਜਾਚ ਸਿਖਾਉਣੀ ਹੁੰਦੀ ਹੈ । ਸਾਡੇ ਸਮਾਜ ਦੇ ਹਰ ਖੇਤਰ ਵਿੱਚ ਕਿਸੇ ਦੀ ਅਲੋਚਨਾ ਕਰਦੇ ਸਮੇਂ , ਉਸਦੇ ਪ੍ਤੀ ਗਲਤ ਸ਼ਬਦ ਵਰਤਣ ਨੂੰ ਵੀ ਅਵਗੁਣ ਹੀ ਕਿਹਾ ਗਿਆ ਹੈ । ਜੇ ਇਹ ਅਵਗੁਣ ਪ੍ਚਾਰਕਾਂ ਦੀ ਦੁਨੀਆਂ ਵਿੱਚ ਪਰਵੇਸ਼ ਕਰ ਜਾਵੇ , ਤਾਂ ਆਮ ਲੋਕਾਂ ਦਾ ਧਰਮ ਤੋਂ ਮੋਹ ਭੰਗ ਹੋਣਾ ਸੁਭਾਵਕ ਗੱਲ ਹੈ । ਕਿਉਂਕਿ ਇਸ ਨਾਲ ਧਰਮ ਦੀ ਦੁਨੀਆਂ ਤੇ ਆਮ ਦੁਨੀਆਂ ਦਾ ਫਰਕ ਖਤਮ ਹੋ ਜਾਂਦਾ ਹੈ । ਜੋ ਕੁੱਝ ਆਮ ਦੁਨੀਆਂ ...

ਵੈਰੀ ਸਮਝ ਗਿਆ ਏ ਕਿ ਜਿੰਨਾਂ ਚਿਰ ਗ੍ਰੰਥ ਰਹੇਗਾ , ਓਨਾਂ ਚਿਰ ਪੰਥ ਰਹੇਗਾ । ਪੰਥ ਨੂੰ ਖਤਮ ਕਰਨ ਲਈ ਗ੍ਰੰਥ ਨੂੰ ਖਤਮ ਕਰੋ । ਵੈਰੀਆ ,,,, ਇਹ ਤੇਰਾ ਬੜਾ ਵੱਡਾ ਵਹਿਮ ਹੈ ਕਿ ਤੂੰ ਗੁਰੂ ਗ੍ਰੰਥ ਤੇ ਪੰਥ ਨੂੰ ਖਤਮ ਕਰ ਦੇਵੇਗਾ । ਇਹ ਵਹਿਮ ਤੇਰੇ ਭਰਾਂਵਾਂ ( ਤੇਰੀ ਸੋਚ ਦੇ ਹੋਣ ਕਰਕੇ ) ਜਹਾਂਗੀਰ , ਅੌਰੰਗਜੇਬ , ਬਹਾਦਰ ਸ਼ਾਹ , ਨਾਦਰ ਸ਼ਾਹ , ਮੀਰ ਮਨੂੰ ਤੇ ਤਾਮੂੰਰ ਨੂੰ ਵੀ ਹੋਇਆ ਸੀ । ਇਹ ਵਹਿਮ ਮੱਸੇ ਰੰਘੜ , ਜਹਾਨ ਖਾਨ , ਯਹੀਆ ਖਾਨ ਤੇ ਸਾਹਿਬ ਰਾਇ ਵਰਗੇ ਹੋਰ ਅਨੇਕਾਂ ਨੂੰ ਹੋਇਆ ਸੀ । ਜਕਰੀਆ ਖਾਨ ਨੇ ਤਾਂ ਅੈਲਾਨ ਕਰ ਦਿੱਤਾ ਸੀ , ਮੈ ਸਿੱਖਾਂ ਨੂੰ ਬਿਲਕੁਲ ਖਤਮ ਕਰ ਦਿੱਤਾ ਹੈ । ਇਹ ਵਹਿਮ ਲਖਪਤ ਰਾਇ ਨੂੰ ਵੀ ਹੋਇਆ ਸੀ । ਉਸਨੇ ਗੁੜ ਕਹਿਣ ਤੇ ਪਾਬੰਦੀ ਲਾ ਦਿੱਤੀ ਸੀ। ਕਿ ਸਿੱਖਾਂ ਨੂੰ ਗੁਰੂ ਗ੍ਰੰਥ ਚੇਤੇ ਨਾ ਆਵੇ । ਇਤਿਹਾਸ ਵਿੱਚ ਪਹਿਲੀ ਵਾਰ ੳੁਸਨੇ ਹੀ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪ ਅਗਨ ਭੇਟ ਕੀਤੇ ਸਨ । ਉਹ ਕੇਹੜੀ ਮੌਤੇ ਮਰੇ ਸੀ । ਇਤਿਹਾਸ ਪੜ ਕੇ ਦੇਖ ਲਈ । ਵੱਡੇ ਘੱਲੂਘਾਰ ਤੋਂ ਬਾਅਦ ਅਬਦਾਲੀ ਕਹਿੰਦਾ ਸੀ , ਮੈਂ ਸਿੱਖਾਂ ਨੂੰ ਅੈਨਾ ਥੱਲੇ ਲਾ ਚਲਿਆ ਹਾਂ , ਇਹ ਕਈ ਪੀਡ਼੍ਹੀਆਂ ਤੱਕ ਉੁੱਠ ਨਹੀ ਸਕਣਗੇ । ਉਹ ਮੱਥੇ ਤੇ ਹੱਥ ਧਰ ਕੇ ਬਹਿ ਗਿਆ ਸੀ । ਜਦੋਂ ਉਹੋ ਸਿੱਖ ਕੁੱਝ ਸਾਲਾਂ ਬਾਅਦ , ਭਾਰਤ ਦੇ ਰਸਤੇ ਵਿੱਚ ਸਮੇਰ ਪਰਬਤ ਵਾਂਗ ਖੜੇ ਨਜ਼ਰ ਆਏ । ਉਨ੍ਹਾਂ ਸਿੱਖਾਂ ਨੇ ਹੀ ਅਬਦਾਲੀ ਦਾ ਮੂੰਹ ਭੰਨਿਆ ਸੀ...

ਰਾਧਾ ਸੁਆਮੀ, ਸਿਰਸੇ ਵਾਲੇ, ਅਾਸ਼ੋਤੋਸ਼ ਨੂਰਮਹਿਲੀੲੇ, ਭਨਿਆਰੇ ਵਾਲੇ, ਨਿਰੰਕਾਰੀਆਂ, ਮਸਤਾਂ, ਪੀਰਾਂ ਤੇ ਜਠੇਰਿਆਂ ਦੀਆਂ ਕਬਰਾਂ ਤੇ ਹੋਰ ਆਪੇ ਬਣੇ ਸੰਤਾਂ, ਮਹੰਤਾਂ, ਗੁਰੂਆਂ, ਪੀਰਾਂ ਦੇ ਪੁਜਾਰੀ ਬਣੇ ਅਖੌਤੀ ਸ਼ੂਦਰਾਂ ( ਅਖੌਤੀ ਨੀਵੀਆਂ ਜਾਤਾਂ ਵਾਲਿਆਂ ) ਨੂੰ ਮੈਂ ਬਾਦਸ਼ਾਹ ਦਰਵੇਸ਼, ਹੱਕ, ਸੱਚ, ਨੇਕੀ ਤੇ ਭਗਤੀ ਦੀ ਸਾਖਿਆਤ ਮੂਰਤ, ਅਣਖ ਤੇ ਸ਼ਕਤੀ ਦੇ ਸੋਮੇ, ਕਥਨੀ ਤੇ ਕਰਨੀ ਦੇ ਸੂਰੇ ਗੁਰੂ ਗੋਬਿੰਦ ਸਿੰਘ ਜੀ ਤੇ ਗਲਤ ਟਿਪਣੀਆਂ ਕਰਦਿਆਂ ਸੁਣਿਆ ਤੇ ਪਡ਼ਿਆ ਹੈ। ਮੈਂ ਸੋਚਦਾ ਹਾਂ, ਜਾਂ ਤਾਂ ਇਹਨਾਂ ਨੇ ਭਾਰਤ ਦੀ ਧਰਤੀ ਤੇ ਇੱਥੋਂ ਦੇ ਉੱਚ ਜਾਤੀ ਦੇ ਪੁਜਾਰੀਆਂ ਵਲੋਂ ਆਪਣੀ ਕੀਤੀ ਗਈ ਦੁਰਦਸ਼ਾ ਤੇ ਭਗਤ ਸਾਹਿਬ ਤੇ ਗੁਰੂ ਸਾਹਿਬਾਨਾਂ ਵਲੋਂ ਇਹਨਾਂ ਦੀ ਦਸ਼ਾ ਤੇ ਦਿਸ਼ਾ ਸੁਧਾਰਨ ਲਈ ਚੁਕੇ ਗਏ ਖਤਰਿਆਂ ਭਰੇ ਇਨਕਲਾਬੀ ਕਦਮਾਂ ਦਾ ਇਤਿਹਾਸ ਨਹੀ ਪਡ਼ਿਆ ਸੁਣਿਆ । ਜਾਂ ਫਿਰ ਇਹ ਸਿੱਖ ਧਰਮ ਨਾਲ ਖਾਰ ਖਾਣ ਵਾਲਿਆਂ ਦੇ ਪਿੱਛਲੱਗ ਬਨਣ ਕਰਕੇ ਅਕ੍ਰਿਤਘਣ ਹੋਣ ਦੇ ਨਾਲ ਨਾਲ ਕਮਲੇ ਵੀ ਹੋ ਗਏ ਨੇ। ਜਿਹਡ਼ੇ ਸਿੱਖ ਗੁਰੂਆਂ ਤੇ ਗਲਤ ਟਿਪਣੀਆਂ ਕਰਨ ਦਾ ਬੱਜਰ ਗੁਨਾਹ ਕਰ ਰਹੇ ਨੇ, ਜਿੰਨਾਂ ਨੇ ਕੀਡ਼ਿਆਂ ਮਕੌਡ਼ਿਆਂ ਵਾਂਗ ਪੈਰਾਂ ਵਿੱਚ ਰੀਂਗਦਿਆਂ ਨੂੰ ਆਪਣੇ ਸਿਰ ਤੇ ਬਿਠਾਇਆ, ਜਿੰਨਾਂ ਨੇ ਮਿੱਟੀ ਘੱਟੇ ਵਿੱਚ ਰੁਲਦਿਆਂ ਨੂੰ ਅਸਮਾਨਾਂ ਵਿੱਚ ਉੱਡਣ ਦੀ ਜਾਚ ਸਿਖਾਈ । ਗੁਰੂ ਸਾਹਿਬਾਨਾਂ ਨੇ ਸਾਡੇ ਲਈ ਮੁਸੀਬਤਾਂ ਤਾਂ ਬੇਅੰਤ ਝੱਲੀਆਂ ਨੇ, ਲੇਖ ਦੇ ਜਿਆਦਾ ਲੰਮਾ ...

ਲੋਕਾਂ ਦੇ ਕਹੇ ਕਹਾਏ ਤੇ ਕਿਸੇ ਦੀ ਵਿਰੋਧਤਾ ਵਿੱਚ ਸ਼ਾਮਲ ਹੋਣ ਤੋਂ ਪਹਿਲਾਂ ਜਿਸ ਦੀ ਵਿਰੋਧਤਾ ਹੋ ਰਹੀ ਹੈ , ਉਸ ਦੇ ਜੀਵਨ ਨੂੰ ਚੰਗੀ ਤਰ੍ਹਾਂ ਘੋਖ ਲਵੋ। ਹੋ ਸਕਦਾ ਹੈ ਕਿ ਤੁਸੀਂ ਫੁੱਲ ਨੂੰ ਕੰਡਾ ਕਹਿਣ ਦੀ ਗਲਤੀ ਕਰ ਰਹੇ ਹੋਵੋ। ਖਿਆਲਾਂ ਦੀ ਵਿਭਿੰਨਤਾ ਹੋਣ ਕਰਕੇ ਕਿਸੇ ਇੱਕ ਆਦਮੀ ਪ੍ਰਤੀ ਸਭ ਦਾ ਨਜਰੀਆ ਇੱਕੋ ਜਿਹਾ ਨਹੀਂ ਬਣ ਸਕਦਾ । ਹੋ ਸਕਦਾ ਹੈ ਜਿਸ ਨੂੰ ਕੋਈ ਦੂਸਰਾ ਜੀਰੋ ਬਣਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ , ਉਸ ਬਾਰੇ ਜਾਣ ਲੈਣ ਤੋਂ ਬਾਅਦ ਉਹ ਤੁਹਾਡੀ ਨਿਗਾਹ ਵਿੱਚ ਹੀਰੋ ਬਣ ਜਾਵੇ । ਪਰ , ਸ਼ਰਤ ਇਹ ਹੈ ਕਿ ਤੁਸੀਂ ਉਸ ਇਨਸਾਨ ਨੂੰ ਰੰਗ , ਜਾਤ, ਧਰਮ ਤੇ ਦੇਸੀ ਵਿਦੇਸ਼ੀ ਆਦਿ ਦੀ ਨਿਗਾਹ ਨਾਲ ਨਾ ਦੇਖਦੇ ਹੋਵੋ , ਤੁਸੀਂ ਸਿਰਫ ਗੁਣਾਂ ਤੇ ਕਰਨੀ ਦੇ ਪੁਜਾਰੀ ਹੋਵੋ। ਕਿਉਂਕਿ ਸੌੜੀ ਸੋਚ ਵਾਲਿਆਂ ਨੂੰ ਗੁਲਾਬ ਦਾ ਫੁੱਲ ਘੱਟ ਤੇ ਕੰਡੇ ਜਿਆਦਾ ਦਿਖਾਈ ਦੇਂਦੇ ਹਨ। ਇਤਿਹਾਸ ਗਵਾਹ ਹੈ,ਕਿਸੇ ਪੁਰਸ਼ ਦੀ ਕੁੱਝ ਲੋਕਾਂ ਨੇ ਹੱਦੋਂ ਵੱਧ ਵਿਰੋਧਤਾ ਕੀਤੀ। ਉਸੇ ਦੀ ਕੁੱਝ ਲੋਕਾਂ ਨੇ ਰੱਬ ਸਮਝ ਕੇ ਪੂਜਾ ਕੀਤੀ । ਜਰੂਰੀ ਨਹੀਂ ਕਿ ਜਿਸਨੂੰ ਕਲਮ ਚਲਾਉਣੀ ਆ ਗਈ ਜਾਂ ਚੌਹਾਂ ਬੰਦਿਆਂ ਵਿੱਚ ਬੋਲਣਾ ਆ ਗਿਆ। ਉਹ ਇੱਕ ਚੰਗਾ ਪਾਰਖੂ ਵੀ ਹੋਵੇ। ਜੌਹਰੀ ਤੋਂ ਬਿਨਾਂ ਆਮ ਲੋਕਾਂ ਲਈ ਹੀਰਾ ਇੱਕ ਲਿਸ਼ਕਦਾ ਹੋਇਆ ਕੱਚ ਹੀ ਹੁੰਦਾ ਹੈ , ਹੋਰ ਕੁੱਝ ਨਹੀਂ। ਹਰਪਾਲ ਸਿੰਘ ਫਿਰੋਜ਼ਪੁਰੀਆ 88722-19051

ਅੰਗਰੇਜ਼ੀ ਹਕੂਮਤ ਸਮੇਂ ਇੱਕ ਅੰਗਰੇਜ਼ ਕਮਿਸ਼ਨਰ ਨੇ ਆਪਣੀ ਫੌਜ ਵਿੱਚ ਭਰਤੀ ਇੱਕ ਸਿੱਖ ਨੂੰ ਅਵਾਜ਼ ਦਿੱਤੀ । ਸਰਦਾਰ ਜੀ ,, ਏਧਰ ਆਉ । ਅਵਾਜ਼ ਸੁਣ ਕੇ , ਸਿੱਖ ਆ ਗਿਆ , ਉਸ ਪਲਟਨ ਦਾ ਮੁੱਖੀ ਵੀ ਆ ਗਿਆ , ਜੋ ਬਿਹਾਰੀ ਸੀ । ਕਮਿਸ਼ਨਰ ਸਿੱਖ ਨਾਲ ਗੱਲਬਾਤ ਕਰਨ ਲੱਗ ਪਿਆ । ਬਿਹਾਰੀ ਬੋਲਿਆ , ਸਰਦਾਰ ਤੇ ਮੈਂ ਹਾਂ । ( ਕਿਉਂਕਿ ਉਹ ਮੁੱਖੀ ਹੋਣ ਕਰਕੇ ਆਪਣੇ ਆਪ ਨੂੰ ਸਰਦਾਰ ਸਮਝਦਾ ਸੀ ) ਕਮਿਸ਼ਨਰ ਕਹਿੰਦਾ , ਮੈਂ ਇਸ ਸਰਦਾਰ ਨੂੰ ਬੁਲਾਇਆ ਸੀ । ਬਿਹਾਰੀ ਨੇ ਨਿਰਾਜਗੀ ਜਿਤਾਈ ਕਿ ਮੇਰੇ ਹੁੰਦਿਆਂ , ਕਿਸੇ ਹੋਰ ਨੂੰ ਸਰਦਾਰ ਕਹਿਣਾ ਮੇਰੀ ਬੇਇੱਜਤੀ ਹੈ । ਕਮਿਸ਼ਨਰ ਨੇ ਕਿਹਾ , ਦੇਖ ,, ਤੈਨੂੰ ਸਰਦਾਰ ਮੈਂ ਬਣਾਇਆ ਹੈ , ਮੈਂ ਇਹ ਸਰਦਾਰੀ ਕਦੇ ਵੀ ਖੋਹ ਸਕਦਾ ਹਾਂ । ਪਰ , ਇਹ ਸਿੱਖ ਜਨਮ ਤੋਂ ਹੀ ਸਰਦਾਰ ਆ, ਜਿਸਦੀ ਸਰਦਾਰੀ ਕੋਈ ਨਹੀਂ ਖੋਹ ਸਕਦਾ । ਇਹ ਸੱਚ ਆ ਕਿ ਸਮੇਂ ਦੀਆਂ ਸਰਕਾਰਾਂ ਨੇ ਆਪਣਾ ਸਾਰਾ ਜੋਰ ਸਰਦਾਰੀ ਖੋਹਣ ਤੇ ਲਾਇਆ , ਪਰ ਉਹ ਕਾਮਯਾਬ ਨਹੀਂ ਹੋ ਸਕੇ । ਰਤਨ ਸਿੰਘ ਭੰਗੂ ਨੇ ਪ੍ਚੀਨ ਪੰਥ ਪ੍ਕਾਸ਼ ਵਿੱਚ 278 ਪੰਨਾ ਤੇ ਸਿੰਘਾਂ ਨੂੰ ਦਿੱਤੇ ਜਾਣ ਵਾਲੇ ਤਸੀਹਿਆਂ ਦਾ ਜਿਕਰ ਕੀਤਾ ਏ । ਕਈ ਚਰਖ , ਕਈ ਫਾਂਸੀ ਮਾਰੇ । ਕਈ ਟੋਕਨ ਕਈ , ਕਈ ਛੁਰੀ ਕਟਾਰੇ । ਕਈ ਅਨਕ ਸਿਰ ਮੁੰਗਲੀ ਕੁੱਟੇ । ਕਈ ਡੋਬੇ , ਕਈ ਘਸੀਟ ਸੇ ਸੁੱਟੇ । ਦਬੇ , ਕਟੇ , ਬੰਦੂਕਨ ਦਏ ਮਾਰ । ਕੌਣ ਗਿਣੇ ਜੋ ਮਾਰੇ ਹਜਾਰ । ਪਾਤ ਪਾਤ ਕਈ ਪਕੜ ਬਹਾਏ । ਸਾਥ ਤੇਗਨ ਕ...

ਪਰ ਅੱਜ ਕਲ ਛਾਨਣੀਆਂ ਜਿਆਦਾ ਬੋਲਦੀਆਂ ਨੇ , ਆਉ ਵੇਖੀਏ ਕਿਵੇਂ ??? ਜਦੋਂ ਜਥੇਦਾਰ ਬਲਵੰਤ ਸਿੰਘ ਨੰਦਗੜ ਨੇ ਅਸਲੀ ਨਾਨਕਸ਼ਾਹੀ ਕੈਲੰਡਰ ਦੇ ਹੱਕ ਵਿੱਚ ਅਵਾਜ਼ ੳੁਠਾਈ , ਤਾਂ ਛਾਨਣੀਆਂ ਨੇ ਰੌਲਾ ਪਾਇਆ ਕਿ ਇਸਨੇ ਅਕਾਲ ਤਖ਼ਤ ਸਾਹਿਬ ਨੂੰ ਚੈਲੰਜ ਕੀਤਾ ਏ , ਅਕਾਲ ਤਖ਼ਤ ਦੀ ਹੁਕਮ ਅਦੂਲੀ ਕੀਤੀ ਆ , ਅਕਾਲ ਤਖ਼ਤ ਸਾਹਿਬ ਦੀ ਤੌਹੀਨ ਕੀਤੀ ਆ । ਪਰ ਛਾਨਣੀਆਂ ਖੁਦ ਅਕਾਲ ਤਖ਼ਤ ਦਾ ਇੱਕ ਵੀ ਹੁਕਮ ਨਹੀਂ ਮੰਨਦੀਆਂ , ਅਕਾਲ ਤਖ਼ਤ ਸਾਹਿਬ ਦੇ ਅਨੁਸਾਰ ਮੰਗਲਾਚਰਣ ( ਮੂਲਮੰਤਰ ) ' ਗੁਰਪ੍ਰਸਾਦਿ ਤੱਕ ਹੈ । ਮੂਲਮੰਤਰ ਦਾ ਪ੍ਮਾਣਿਕ ਰੂਪ ਨਾਂ ਦੀਆਂ ਬਹੁਤ ਸਾਰੀਆਂ ਕਿਤਾਬਾਂ ਹਰ ਸਾਲ ਵੰਡੀਆਂ ਜਾਂਦੀਆਂ ਨੇ ,, ਅਕਾਲ ਤਖ਼ਤ ਤੋਂ ਪ੍ਕਾਸ਼ਿਤ ਰਹਿਤ ਮਰਯਾਦਾ ਅਨੁਸਾਰ ਨਿਤਨੇਮ ਦੀਆਂ ਕੁਲ ਬਾਣੀਆਂ ਪੰਜ ਨੇ , ਤਿੰਨ ਸਵੇਰ ਦੀਆਂ ਤੇ ਦੋ ਸ਼ਾਮ ਦੀਆਂ । ਛਾਨਣੀਆਂ ਸ਼ਰੇਆਮ ਸਟੇਜਾਂ ਤੋਂ ਮੰਗਲਾਚਰਣ ਦਾ ਨਾਨਕ ਹੋਸੀ ਭੀ ਸਚਿ ॥ ਤੱਕ ਜਾਪ ਕਰਵਾਉਂਦੀਆਂ ਨੇ , ਸ਼ਰੇਆਮ ਸਵੇਰੇ ਪੰਜ ਬਾਣੀਆਂ ਦਾ ਨਿਤਨੇਮ ਕਰਨ ਦਾ ਉਪਦੇਸ਼ ਦੇਂਦੀਆਂ ਨੇ । ਲੱਗਪਗ 97 % ਗੁਰਦੁਆਰਿਆਂ ਵਿੱਚ ਛਾਨਣੀਆਂ ਦੀ ਮੇਹਰ ਸਦਕਾ ਸਵੇਰੇ ਪੰਜ ਬਾਣੀਆਂ ਦਾ ਨਿਤਨੇਮ ਹੋ ਰਿਹਾ ਏ , ਕੀ ਏ ਅਕਾਲ ਤਖ਼ਤ ਨੂੰ ਚੈਲੰਜ ਨਹੀਂ ਆ ?????? ਅਕਾਲ ਤਖ਼ਤ ਦੀ ਮਰਯਾਦਾ ਨੂੰ ਛੱਡ ਕੇ ਇਹਨਾਂ ਨੇ ਬੇਅੰਤ ਤਰ੍ਹਾਂ ਦੀਆਂ ਆਪੋ ਆਪਣੀਆਂ ਮਰਯਾਦਾਵਾਂ ਬਣਾਈਆਂ ਨੇ ।ਉਹ ਸਾਰੀਆਂ ਮਰਯਾਦਾਵਾਂ ਅਕਾਲ ਤਖ਼ਤ ਦੀ ਹਦੂਦ ਵਿੱਚ ਇਹ ਵੇਚਦੇ ...

ਮੈਂ ਦੁਆਬੇ ਦੇ ਪਿੰਡ ਵਿੱਚ ਡਿਊਟੀ ਕਰ ਰਿਹਾ ਹਾਂ। ਜਿੱਥੇ ਗਰਮੀ ਚੜਦਿਆਂ ਹੀ ਲਾਉਸਮੈਂਟਾ ਦੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਦੇ ਕੋਈ ਆ ਜਾਂਦਾ, ਕਦੇ ਕੋਈ ਆ ਜਾਂਦਾ , ਬਾਬਾ ਜੀ ਲਾਉਸਮੈਂਟ ਕਰਨੀ । ਮੈਂ ਪੁੱਛਦਾ ਹਾਂ , ਕੀ ਲਾਉਸਮੈਂਟ ਕਰਨੀ। ਸਾਡੇ ਵੱਡੇ ਰੋਜੇ ਦਾ ਮੇਲਾ , ਛੋਟੇ ਰੋਜੇ ਦਾ ਮੇਲਾ, ਮੋਹਕਮ ਸਾਹ ਦਾ ਮੇਲਾ , ਅੈਸ ਸ਼ਾਹ ਦਾ ਮੇਲਾ , ਔਸ ਸ਼ਾਹ ਦਾ ਮੇਲਾ, ਜਠੇਰਿਆਂ ਦੇ ਲੰਗਰ ਹੈ, ਵਡੇਰਿਆਂ ਦੇ ਲੰਗਰ ਹੈ। ਮੈਂ 7 ਅਪ੍ਰੈਲ 2015 ਵਿੱਚ ਡਿਊਟੀ ਸ਼ੁਰੂ ਕੀਤੀ ਸੀ। ਪਹਿਲੀ ਵਾਰ ਕੁੱਝ ਵਾਲਮੀਕ ਵੀਰ 5 ਹਾੜ ਨੂੰ ਹੋਣ ਵਾਲੇ ਆਪਣੇ ਜਠੇਰਿਆਂ ਦੇ ਮੇਲੇ ਦੀ ਲਾਉਸਮੈਂਟ ਕਰਵਾਉਣ (ਇਹਨਾਂ ਵਿਚੋਂ ਕਈਆਂ ਨਾਲ ਮੇਰੀ ਥੋੜੀ ਬਹੁਤੀ ਸਾਂਝ ਪੈ ਚੁੱਕੀ ਸੀ) ਮੇਰੇ ਕੋਲ ਆਏ। ਮੈਂ ਬੜੇ ਪਿਆਰ ਨਾਲ ਉਨ੍ਹਾਂ ਨੂੰ ਸਮਝਾਇਆ ਕਿ ਧੰਨ ਗੁਰੂ ਗ੍ਰੰਥ ਸਾਹਿਬ ਜੀ ਸਾਨੂੰ ਮੜੀਆਂ ,ਮਸਾਣਾ, ਕਬਰਾਂ ਤੇ ਜਠੇਰਿਆਂ ਤੇ ਵੱਡੇ ਵਡੇਰਿਆਂ ਦੀਆਂ ਮਟੀਆਂ ਦੀ ਪੂਜਾ ਕਰਨ ਤੋਂ ਵਰਜਦੇ ਹਨ । ਮੈਂ ਉਸ ਗੁਰੂ ਦੀ ਹਜ਼ੂਰੀ ਵਿੱਚ ਖਲੋਂ ਕੇ ਇਹ ਨਹੀ ਕਹਿ ਸਕਦਾ ਕਿ ਸੰਗਤ ਜੀ ਜਠੇਰਿਆਂ ਦੇ ਹਾਜ਼ਰੀ ਭਰੋ। ਉਹ ਚੁੱਪ ਕਰਕੇ ਚਲੇ ਗਏ । ਰਾਹ ਪੈਂਡੇ ਵਿੱਚ ਮਿਲੇ ਉਨ੍ਹਾਂ ਦੇ ਇੱਕ ਦੋ ਹੋਰ ਮੇਨ ਵੀਰਾਂ ਨੂੰ ਮਿਲ ਕੇ ਵੀ ਮੈਂ ਆਪਣੀ ਮਜਬੂਰੀ ਦੱਸ ਕੇ ਲਾਉਸਮੈਂਟ ਨਾ ਕਰਨ ਦੀ ਮੁਆਫੀ ਮੰਗੀ। ਉਦੋਂ ਉਨ੍ਹਾਂ ਨੇ ਵੀ ਸਹਿਮਤੀ ਪ੍ਰਗਟਾਈ। ਜਠੇਰਿਆਂ ਦੇ ਮੇਲੇ ਤੋਂ ਦੋ ਦਿਨ ਬਾਅਦ ਸ਼ਾਮ ਦੇ ਦੀਵਾਨ ਦੀ ...

ਅੱਜ ਗੁਰਦੁਆਰੇ ਦੀ ਕਮੇਟੀ ਦੇ ਮੈਂਬਰਾਂ ਦੀ ਲਾਗੇ ਬੰਨੇ ਦੇ ਗੁਰਦੁਆਰਿਆਂ ਦੇ ਪਰਧਾਨਾਂ ਤੇ ਸਕੱਤਰਾਂ ਨਾਲ ਮੀਟਿੰਗ ਸੀ । ਸਾਰਿਆਂ ਨੂੰ ਮਿਲਣ ਤੋਂ ਬਾਅਦ ਸਕੱਤਰ ਨੇ ਪਰਦੀਪ ਨੂੰ ਪੁੱਛਿਆ , ਬੇਟਾ ,,,ਤੁਸੀਂ ਕਿਸ ਗੁਰਦੁਆਰੇ ਤੋਂ ??? ਪਰਦੀਪ ਨੇ ਕਿਹਾ ,,,,ਅੰਕਲ ਜੀ ਮੈਂ ਆਪਣੇ ਗੁਰਦੁਆਰੇ ਦੀ ਕਮੇਟੀ ਦੇ ਮੈਂਬਰ ਬਹਾਲ ਸਿੰਘ ਦਾ ਬੇਟਾ ਹਾਂ , ਪਿਤਾ ਜੀ ਦੀ ਤਬੀਅਤ ਠੀਕ ਨਹੀ ਸੀ , ਉਹਨਾਂ ਨੇ ਆਪਣੀ ਜਗ੍ਹਾ ਮੈਨੂੰ ਭੇਜਿਆ ਹੈ । ਮੈਂ ਲੰਡਨ ਵਿੱਚੋਂ ਸਟੱਡੀ ਕਰ ਕੇ ਕਾਫੀ ਸਮੇਂ ਬਾਅਦ ਇੰਡੀਆ ਆਇਆ ਹਾਂ , ਇਸ ਲਈ ਤੁਸੀਂ ਮੈਨੂੰ ਪਛਾਣਿਆ ਨਹੀ । ਸਕੱਤਰ ਨੇ ਮੀਟਿੰਗ ਸ਼ੁਰੂ ਕਰਦਿਆਂ ਕਿਹਾ ,, ਬੇਨਤੀ ਇਹ ਹੈ ਕਿ ਅਸੀਂ ਆਪਣੀ ਕਲੋਨੀ ਵਿੱਚ ਇਹ ਨਵਾਂ ਗੁਰਦੁਆਰਾ ਬਣਾਇਆ ਹੈ , ਅਸੀਂ ਸਾਰੇ ਮੈਂਬਰ ਨਵੇਂ ਹੋਣ ਕਰਕੇ ਗੁਰਦੁਆਰੇ ਦੇ ਪ੍ਬੰਧ ਤੋਂ ਅਨਜਾਣ ਹਾਂ , ਸਾਡੇ ਕੋਲ ਪੈਸੇ ਦੀ ਕਮੀ ਨਹੀਂ ਹੈ , ਸਾਡੀ ਸੰਗਤ ਬਹੁਤ ਅਮੀਰ ਹੈ , ਅਸੀਂ ਚਾਹੁੰਦੇ ਹਾਂ ਕਿ ਅਸੀਂ ਆਪਣੇ ਗੁਰਦੁਆਰੇ ਨੂੰ ਥੋੜੇ ਸਮੇਂ ਵਿੱਚ ਹੀ ਨਾਮੀ ਗੁਰਦੁਆਰਿਆਂ ਵਿੱਚ ਸ਼ਾਮਲ ਕਰ ਦਈਏ , ਦੇਸ਼ਾਂ ਵਿਵੇਸ਼ਾ ਵਿੱਚ ਨਾਮ ਹੋਵੇ ,, ਦੱਸੋ ਕੀ ਕਰੀਏ ???? ਇੱਕ ਪਰਧਾਨ ਕਹਿਣ ਲੱਗਾ ,, *ਆਪਣੇ ਸ਼ਹਿਰ ਵਿੱਚ ਗੁਰਦੁਆਰਿਆਂ ਦੀਆਂ ਇਮਾਰਤਾਂ ਬਹੁਤ ਛੋਟੀਆਂ ਨੇ ,,ਤੁਸੀਂ ਸਭ ਤੋਂ ਵੱਡੀ ਇਮਾਰਤ ਬਣਵਾਓ। ਵਾਰੀ ਵਾਰੀ ਸਭ ਨੇ ਆਪੋ ਆਪਣੀਆਂ ਸਾਲਾਹਾਂ ਦੇਣੀਆਂ ਸ਼ੁਰੂ ਕੀਤੀਆਂ । * ਜੇ ਪੈਸਾ ਹੈ ਤਾਂ ਗੁਰਦੁਆਰੇ ...

ਅਜੇ ਤਾਂ ਸਿੱਖ ਬਾਣੀ ਦਾ ਪਾਠ ਕਰ ਰਹੇ ਨੇ ਜਾਂ ਕਰਾ ਰਹੇ ਨੇ,, ਸਵਰਗ ਲੈਣ ਲਈ, ਰਿਧੀਆਂ ਸਿਧੀਆਂ ਲੈਣ ਲਈ, ਸਰੀਰਕ ਅਰੋਗਤਾ ਲਈ , ਵਿਗੜੇ ਕੰਮਾਂ ਨੂੰ ਸੰਵਾਰਨ ਲਈ, ਘਰ ਵਿੱਚ ਸੁੱਖਸ਼ਾਤੀ ਲਈ, ਬੱਚਿਆਂ ਦੇ ਪਾਸ ਹੋਣ ਲਈ, ਨੌਕਰੀ ਮਿਲ ਜਾਣ , ਮੁੰਡੇ ਕੁੜੀ ਦੇ ਵਿਆਹ ਲਈ, ਵਿਦੇਸ਼ ਜਾਣ ਲਈ , ਵਿਦੇਸ਼ਾਂ ਵਿੱਚ ਪੱਕੇ ਹੋਣ ਲਈ, ਮੁਕੱਦਮੇ ਜਿੱਤਣ ਲਈ , ਵੈਰੀਆ ਨੂੰ ਹਰਾਉਣ ਲਈ , ਦੁੱਧ ਲੈਣ ਲਈ , ਪੁੱਤ ਲੈਣ ਲਈ , ਆਦਿ ਆਦਿ । ਜਨਮ ਦਿਨ ਮਨਾਉਣ ਲਈ, ਅੈਨੀਵਰਸਰੀ ਮਨਾਉਣ ਲਈ, ਜਠੇਰਿਆਂ ਨੂੰ ਖੁਸ਼ ਕਰਨ ਲਈ, ਮੱਸਿਆ, ਪੁੰਨਿਆ, ਸੰਗਰਾਦਾਂ ਤੇ ਸਾਧਾਂ ਦੀਆਂ ਬਰਸੀਆਂ ਮਨਾਉਣ ਲਈ , ਸੁੱਖਣਾ ਲਾਉਣ ਲਈ ,, ਆਦਿ ਆਦਿ ਜਿਸ ਦਿਨ ਤੋਂ ਸਿੱਖ ,,,,,,,,,,,,,,,,,, ਗੁਰਬਾਣੀ ਨੂੰ ਸਮਝਣ ਲਈ , ਰੱਬ ਦੀ ਸਿਫ਼ਤ ਸਲਾਹ ਲਈ, ਰੱਬ ਅੱਗੇ ਅਰਦਾਸ ਕਰਨ ਲਈ , ਰੱਬ ਦੇ ਬਾਰੇ ਜਾਨਣ ਲਈ , ਰੱਬੀ ਗੁਣਾਂ ਨੂੰ ਹਿਰਦੇ ਵਿੱਚ ਵਸਾਉਣ ਲਈ , ਧਰਮ ਨੂੰ ਸਮਝਣ ਦੇ ਲਈ , ਆਪਣੇ ਆਪ ਨੂੰ ਪਹਿਚਾਨਣ ਲਈ, ਸ਼ੈਤਾਨ ਮਨ ਨੂੰ ਸਮਝਾਉਣ ਲਈ , ਜੀਵਨ ਪੱਧਰ ਨੂੰ ਉੁੱਚਾ ਚੁੱਕਣ ਲਈ, ਜੀਵਨ ਨੂੰ ਸੰਵਾਰਨ ਲਈ , ਅਗਿਆਨਤਾ ਦੇ ਹਨੇਰੇ ਨੂੰ ਦੂਰ ਕਰਨ ਲਈ , ਗੁਰਬਾਣੀ ਪੜਣੀ ਸ਼ੁਰੂ ਕਰ ਦੇਣਗੇ। ਉਸ ਦਿਨ ਤੋਂ ਸਿੱਖ ਧਰਮ ਦਾ ਪ੍ਰਚਾਰ ਕਰਨ ਦੀ ਲੋਡ਼ ਖਤਮ ਹੋ ਜਾਵੇਗੀ। ਗੁਰਬਾਣੀ ਦੀ ਟਕਸਾਲ ਵਿਚੋਂ ਘੜੇ ਹੋਏ ਜੀਵਨ ਨੂੰ ਦੇਖ ਕੇ ਲੋਕ ਆਪਣੇ ਆਪ ਸਿੱਖ ਬਨਣ ਲੱਗ ਪੈ...

( ਧੜਾ: ਡੇਰੇ, ਟਕਸਾਲਾ, ਸੰਸਥਾਵਾਂ ਤੇ ਸਾਧ ਬਾਬੇ) ਆਦਮੀ ਧੜੇ ਦੀ ਚਾਰਦੀਵਾਰੀ ਤੋਂ ਬਾਹਰ ਜਾ ਕੇ ਨਾ ਤਾਂ ਕੁੱਝ ਸੋਚਣ ਸਮਝਣ ਲਈ ਤਿਆਰ ਹੁੰਦਾ ਤੇ ਨਾ ਹੀ ਕੁੱਝ ਸੁਨਣ ਲਈ । ਜਦਕਿ ਧੜੇ ਦੀ ਹਰ ਇੱਕ ਵੀਚਾਰ ਨੂੰ ਅੱਖਾਂ ਮੀਟ ਕੇ ਪਰਵਾਨ ਕਰ ਲੈਂਦਾ ਹੈ । ਉਸਨੂੰ ਖੂਹ ਦਾ ਡੱਡੂ ਬਣ ਜੀਉਣ ਦਾ ਸੁੁਆਦ ਆਉਂਦਾ ਹੈ। ਹਰ ਸਮੇਂ ਆਪਣੇ ਧੜੇ ਦੀ ਇੱਜ਼ਤ ਬਚਾਉਣ ਲਈ ਓੜ ਪੋੜ ਕਰਦਾ ਰਹਿੰਦਾ ਹੈ , ਸੱਚ ਚਾਹੇ ਅੱਖਾਂ ਸਾਹਮਣੇ ਹੀ ਕਿਉਂ ਨਾ ਹੋਵੇ ।

ਆਪਸੀ ਮਤਭੇਦਾਂ ਵਿੱਚ ਉਲਝੀ ਕੌਮ ਦੇ ਵਾਰਿਸ (ਆਮ ਤੋਂ ਲੈ ਕੇ ਖਾਸ ਤੱਕ) ਆਪਣਾ ਸਾਰਾ ਸਮਾਂ ਇੱਕ ਦੂਜੇ ਨੂੰ ਸਵਾਲ ਕਰਨ, ਵਿਰੋਧੀ ਧਿਰ ਦੇ ਸਵਾਲਾਂ ਦਾ ਜਵਾਬ ਦੇਣ ਤੇ ਵਿਰੋਧੀ ਧਿਰ ਨੂੰ ਆਮ ਲੋਕਾਂ ਦੀਆਂ ਨਜ਼ਰਾਂ ਵਿੱਚ ਨੀਵਾਂ ਦਿਖਾਉਣ ਦੀਆਂ ਵਿਉਂਤ ਬੰਦੀਆਂ ਕਰਨ ਵਿੱਚ ਹੀ ਬਰਬਾਦ ਕਰ ਦਿੰਦੇ ਹਨ। ਹਰ ਕੌਮ ਦਾ ਕੋਈ ਨਾ ਕੋਈ ਦੁਸ਼ਮਣ ਜਰੂਰ ਹੁੰਦਾ ਹੈ, ਈਰਖਾ ਤੇ ਨਫ਼ਰਤ ਦੀ ਅੱਗ ਵਿੱਚ ਤੜਫ ਰਿਹਾ ਦੁਸ਼ਮਣ ਕੁੱਝ ਸ਼ਰਾਰਤੀ ਕਿਸਮ ਦੇ ਲੋਕਾਂ ਨੂੰ ਭਰਮਾਂ ਕੇ ਜਾਂ ਖਰੀਦ ਕੇ, ਭਰਮਾਏ ਜਾਂ ਖਰੀਦੇ ਹੋਏ ਅਨਸਰਾਂ ਦੁਆਰਾ ਹਰ ਸਮੇਂ ਮਤਭੇਦਾਂ ਨੂੰ ਹਵਾ ਦੇਣ ਦਾ ਸਿਰਤੋੜ ਜਤਨ ਕਰਦਾ ਹੈ ਤੇ ਕੌਮ ਹਰ ਸਮੇਂ ਆਪਸੀ ਮਤਭੇਦਾਂ ਵਿੱਚ ਉਲਝੀ ਰਹਿੰਦੀ ਹੈ। ਜਿਸਦੇ ਨਤੀਜੇ ਵਜੋਂ ਕੌਮ ਆਪਣੇ ਧਰਮ ਦੀਆਂ ਉੱਚੀਆਂ ਸੁੱਚੀਆਂ ਪਰੰਪਰਾਵਾਂ ਦਾ ਪ੍ਰਚਾਰ ਨਹੀ ਕਰ ਪਾਉਂਦੀ । ਪ੍ਰਚਾਰ ਦੀ ਘਾਟ ਕਾਰਨ ਗੈਰ ਲੋਕਾਂ ਤਾਂ ਕੀ ਜੁੜਨਾ, ਆਪਣੀ ਪੀਡ਼੍ਹੀ ਵੀ ਧਰਮ ਦੀਆਂ ਕਦਰਾਂ ਕੀਮਤਾਂ ਤੋਂ ਅਨਜਾਣ ਰਹਿ ਜਾਂਦੀ ਹੈ, ਹੌਲੀ ਹੌਲੀ ਆਪਣੇ ਧਰਮ ਤੋਂ ਦੂਰ ਹੋ ਜਾਂਦੀ ਹੈ । ਜਿਸ ਕੌਮ ਦਾ ਪ੍ਰਚਾਰ ਨਹੀ , ਉਸ ਕੌਮ ਦਾ ਪ੍ਰਸਾਰ ਨਹੀ। ਹਰਪਾਲ ਸਿੰਘ ਫਿਰੋਜਪੁਰੀਆ

ਹਰ ਇਨਸਾਨ ਦਾ ਇਹ ਕਹਿਣਾ ਹੈ, ਕਿ ਮੇਰੇ ਤੇ ਮੇਰੇ ਪਰਿਵਾਰ ਕੋਲ ਜੋ ਵੀ ਘਰ, ਧੀਆਂ ਪੁੱਤ ਪਰਿਵਾਰ, ਧੰਨ ਦੌਲਤ,ਮੋਟਰ ਕਾਰਾਂ, ਸੁੱਖ ਸ਼ਾਂਤੀ ਆਦਿ ਹੈ। ਇਹ ਸਾਰਾ ਕੁਝ ਉਸ ਦਾ ਦਿੱਤਾ ਹੋਇਆ ਹੈ ਜਿਸ ਨੂੰ ਮੈਂ ਮੰਨਦਾ ਹਾਂ। ਆਪਣੀ ਹਰ ਕਾਮਯਾਬੀ ਦੇ ਪਿੱਛੇ ਆਪਣੇ ਗੁਰੂ, ਪੀਰ, ਸੰਤ, ਮਹੰਤ, ਸਾਧ, ਬਾਬੇ, ਸਾਂਈ, ਪਾਂਡੇ, ਜਠੇਰੇ ਤੇ ਦੇਵੀ ਦੇਵਤਿਆਂ (ਜਿੰਨੂ ਵੀ ਉਹ ਮੰਨਦਾ ਹੈ) ਆਦਿ ਦੇ ਹੋਣ ਦੀ ਗੱਲ ਕਰਦਾ ਹੈ, ਤੇ ਕਹਿੰਦਾ ਹੈ ਕਿ ਉਹਨਾਂ ਦੀ ਪੂਜਾ ਕਰਕੇ, ਉਹਨਾਂ ਨੂੰ ਪ੍ਰਸੰਨ ਕਰਕੇ ਉਹਨਾਂ ਤੋਂ ਦਾਤਾਂ ਲਈਆਂ ਜਾ ਸਕਦੀਆਂ ਹਨ। ਉਹਨਾਂ ਨੂੰ ਕੁੱਝ ਸਵਾਲ ਹਨ : 1. ਜਿਹਡ਼ੇ ਤੁਹਾਡੇ ਦਾਤੇ ਨੂੰ ਨਹੀ ਮੰਨਦੇ, ਉਨ੍ਹਾਂ ਨੂੰ ਦਾਤਾਂ ਕੌਣ ਦੇ ਰਿਹਾ ? 2. ਕੁੱਝ ਲੋਕ ਅੈਸੇ ਹਨ, ਜਿਹਡ਼ੇ ਤੁਹਾਡੇ ਦਾਤਿਆਂ ਦੀ ਬਹੁਤ ਸਰਧਾ ਭਾਵਨਾ ਨਾਲ ਪੂਜਾ ਤੇ ਸੇਵਾ ਕਰਦੇ ਹਨ। ਉਹ ਫਿਰ ਵੀ ਭੁੱਖੇ ਮਰ ਰਹੇ ਹਨ। ਹੋਰ ਵੀ ਕਈ ਪਰੇਸ਼ਾਨੀਆਂ ਨਾਲ ਜੂਝ ਰਹੇ ਹਨ । ਇਸ ਤਰ੍ਹਾਂ ਕਿਉਂ ??? 3. ਜਿੰਨਾ ਨੂੰ ਤੂੰ ਆਪਣੇ ਦਾਤੇ ਮੰਨਦਾ ਹੈ, ਉਹਨਾਂ ਵਿਚੋਂ ਕਈ ਪੰਜਾਹ (50) ਸਾਲ ਜਾਂ ਉਸਤੋਂ ਵੀ 100 ਜਾਂ ਹਜ਼ਾਰਾਂ ਸਾਲ ਪਹਿਲਾਂ ਜਨਮੇ ਸਨ। ਇਨ੍ਹਾਂ ਦੇ ਜਨਮ ਤੋਂ ਪਹਿਲਾਂ ਤੁਹਾਡੇ ਵਡੇਰਿਆਂ ਨੂੰ ਦਾਤਾਂ ਕੌਣ ਦੇ ਰਿਹਾ ਸੀ ?? 4. ਜਿੰਨਾ ਸਹੂਲਤਾਂ ਦਾ ਤੁਸੀਂ ਅਨੰਦ ਲੈ ਰਹੇ ਹੋ, ਮੋਬਾਇਲ, ਕੰਪਿਊਟਰ, ਮੋਟਰਸਾਈਕਲ, ਕਾਰਾਂ, ਉੱਚੇ ਖੁੱਲੇ ਡੁੱਲੇ ਪੱਕੇ ਘਰ ਆਦਿ,, ਇਹ ਵੀ ਤੁਹਾਡੇ ਦਾਤਿਆਂ ...

ਗਿਆਨੀ ਦਿੱਤ ਸਿੰਘ ਨੇ ਆਪਣੇ ਲੇਖ ਵਿੱਚ ਲਿਖਿਆ ਹੈ "ਈਸਾਈ ਕੌਮ ਦੇ ਬਨਾਉਣ ਵਾਲੇ ਹਜ਼ਰਤ ਮਸੀਹ ਕੋਈ ਧਨੀ ਅਤੇ ਅਾਲਮ ਨਹੀਂ ਸਨ । ਅਰ ਉਹਨਾਂ ਦੇ ਸ਼ਗਿਰਦ ਮੱਛੀਆਂ ਫੜਨੇ ਵਾਲੇ ਮਣੁੲੇ ਅਤੇ ਟਿੱਡੀਆਂ ਖਾਣ ਵਾਲੇ ਗਰੀਬ ਅਾਦਮੀ ਸਨ । ਉਹਨਾਂ ਤੋਂ ਮਗਰੋਂ ਇਸ ਕੌਮ ਦੇ ਆਦਮੀਆਂ ਨੂੰ ਕੱਪਡ਼ਾ ਤੱਕ ਪਹਿਨਣ ਦੀ ਅਕਲ ਨਹੀਂ ਸੀ । ਜਿਸ ਤੇ ਉਹ ਜਾਨਵਰਾਂ ਦੇ ਕੱਚੇ ਚਮੜੇ ਕੱਪਡ਼ੇ ਦੀ ਜਗ੍ਹਾ ਪਿੰਡੇ ਪਰ ਲਪੇਟਦੇ ਸਨ । ਮਿੱਟੀ ਦੇ ਪੋਚੇ ਦੇ ਕੇ ਅਾਪਣੇ ਅੰਗਾਂ ਨੂੰ ਢੱਕਦੇ ਸਨ । ਖਾਣੇ ਦੇ ਵਾਸਤੇ ਜੰਗਲੀ ਜਾਨਵਰਾਂ ਦੇ ਕੱਚੇ ਮਾਸ ਅਤੇ ਭੁੰਨੇ ਹੋਏ ਅਾਲੂ ਖਾ ਕੇ ਗੁਜ਼ਾਰਾ ਕਰਦੇ ਸਨ । ਪ੍ੰਤੂ ਉਹਨਾਂ ਦੇ ਸਿਦਕੀ ਅਤੇ ਵਿਸ਼ਵਾਸ਼ੀਆਂ ਦੀ ਲਗਾਤਾਰ ਮਿਹਨਤ ਅਤੇ ਤਾਕਤ ਨੇ ਅੈਥੋਂ ਤੱਕ ਆਪਣੀ ਸਮੱਰਥਾ ਦਿਖਾਈ ਜੋ ਦੁਨੀਆਂ ਦੀਆਂ ਸਾਰੀਆਂ ਕੌਮਾਂ ਵਿਚੋਂ ਸੁਭਾਗ ਸਮਝੀ ਜਾਂਦੀ ਹੈ।" ਉਹ ਆਪਣੇ ਧਰਮ ਦੇ ਪ੍ਰਚਾਰ ਪ੍ਰਸਾਰ ਲਈ ਹਰ ਸਮੇਂ ਸੁਚੇਤ ਹੋ ਕੇ ਵਿਚਰਦੇ ਨੇ, ਉਨ੍ਹਾਂ ਦੇ ਜਿੰਨੇ ਵੀ ਪ੍ਰਚਾਰਕ ਨੇ , ਉਨ੍ਹਾਂ ਦੀਆਂ ਜਿੰਨੀਆਂ ਵੀ ਕਿਤਾਬਾਂ ਨੇ ਉਹ ਸਿਰਫ ਬਾਇਬਲ ਤੇ ਯਿਸੂ ਦੀ ਗੱਲ ਕਰਦੀਆਂ ਨੇ, ਉਨ੍ਹਾਂ ਵਿੱਚ ਸਿਰਫ ਇੱਕ ਵਿਅਕਤੀ ਨੂੰ ਮਹੱਤਤਾ ਦਿੱਤੀ ਗਈ ਹੈ, ਜਿਸਨੂੰ ਉਹ ਪੋਪ ਕਹਿੰਦੇ ਨੇ, ਬਾਕੀ ਸਾਰੇ ਅਾਲਮ ਫਾਜਲ ਲੋਕ ਆਮ ਨਾਗਰਿਕਾਂ ਵਾਂਗ ਸਮਾਜ ਵਿੱਚ ਵਿਚਰ ਕੇ ਸਮਾਜ ਦੀ ਸੇਵਾ ਦੇ ਨਾਲ ਨਾਲ ਆਪਣੇ ਧਰਮ ਦਾ ਪ੍ਰਚਾਰ ਕਰਦੇ ਨੇ, ਕਿਸੇ ਦੀ ਬਹੁਤ ਜਿਆਦਾ ਘਾਲਣਾ ਦੀ ਬਾਅ...